Тохсунньу 1 күнүттэн арыгы сыаната үрдээтэ

2025 сыл тохсунньу 1 күнүттэн Арассыыйаҕа арыгы сыаната эмиэ үрдээтэ.

НДС уонна акцизтары учуоттаан туран буокка муҥутуур намыһах сыаната билигин 349 солк., оттон коньяк 651 солк. буолар.

«Арыгы муҥутуур намыһах сыанатын 2025 сыл тохсунньу 1 күнүттэн 349 солк. диэри, оттон коньякка  651 солк. диэри улаатыннарыллыаҕа. Манна сыанатыгар НДС уонна акциз суоттана сылдьар», — диэн Үп министиэристибэтин бирикээһигэр этиллэр. Докумуон быраап аахталарын официальнай порталыгар таҕыста.

Ону таһынан буоккаттан ураты ликер-буокка оҥоһуктарга саамай намыһах сыаната 277 солк. буолуоҕа. Биэдэмистибэ сабаҕалааһынынан, сыана үрдээһинэ гражданнар доруобуйаларын араҥаччылыырга уонна сымыйа бородууксуйаны атыылаһыыны аччатарга көмөлөһүө.