Тохсунньу 1 күнүттэн Дьокуускайга оптуобус сыаната үрдүөҕэ

Тохсунньу 1 күнүттэн киин куоракка оптуобус төлөбүрэ 58 солкуобайга диэри  үрдүүрүн туһунан киин куорат баһылыга Евгений Григорьев суруналыыстарга иһитиннэрдэ.

«Тарыып үрдээһинин олохтоох дьон өрүү ыараханнык ылыналлар. Былырыын метан сыаната 17%  үрдээбитэ. Онон сыана үрдүү турарынан сибээстээн, эһиил сыл саҥатыттан, тохсунньу 1 күнүттэн, айан төлөбүрүн сыаната 58 солкуобай буолуоҕа«, — диэн бүгүн  Дьокуускай мээрэ Евгений Григорьев суруналыыстары кытта көрсүһүүтүгэр эттэ.