Тохсунньу 10 күнүттэн “Земскэй учуутал” бырайыакка сайаапкалары ылыахтара

Кэлэр 2024 сыл тохсунньу 10 күнүттэн муус устар 15 күнүгэр диэри “Земскэй учуутал” бырайыак иитинэн, бигэргэтиллибит миэстэлэргэ учуутал дуоһунаһыгар сайаапкалары ылан саҕалыахтара. Бу туһунан Үөрэх уонна билим министиэристибэтэ иһитиннэрэр.

Министиэристибэ кэлэр сылга биир кэмнээх төлөбүрдээх, учуутал дуоһунаһыгар ханнык миэстэлэр баалларын туһунан испииһэги таһаарда, барыта 17 вакансия киирбит.

1. Амма улууһун Е.Л.Чистяков аатынан Майскай орто оскуолата, аангылыйа тылын учуутала;
2. Томпо улууһун Дьабарыкы Хайа орто оскуолата, математика уонна физика учуутала;
3. Уус Маайа улууһун А.А. Константинова аатынан Элдьикээн орто оскуолата, математика учуутала;
4. Абый улууһун Н.Н. Ефимов аатынан Белай Гора гимназията, физика учуутала;
5. Булуҥ улууһун 2-с нүөмэрдээх Тикси орто оскуолата, нуучча тылын уонна литэрэтиирэтин учуутала;
6. Дьааҥы улууһун Сартаҥ орто оскуолата, нуучча тылын уонна литэрэтиирэтин учуутала;
7. Үөһээ Бүлүү улууһун Далыр орто оскуолата, математика учуутала;
8. Эдьигээн улууһун Н.В. Шемяков аатынан Кыстатыам кыра кэмпиликтээх орто оскуолата, математика учуутала;
9. Мэҥэ Хаҥалас улууһун С.Н. Михайлов аатынан Чыамайыкы орто оскуолата, физика уонна информатика учуутала;
10. Мииринэй улууһун Светлэй бөһүөлэгин 15-с нүөмэрдээх орто оскуолата, нуучча тылын уонна литэрэтиирэтин учуутала;
11. Аллараа Халыма улууһун Н.И. Таврат аатынан Халыма национальнай орто оскуолата, аангылыйа тылын учуутала;
12. Өймөкөөн улууһун И.В. Хоменко аатынан Уус-Ньара орто оскуолата, информатика уонна математика учуутала;
13. Өлүөхүмэ улууһун Саҥыйахтаах орто оскуолата, физика уонна информатика учуутала;
14. Усуйаана улууһун П.Н.Николаев аатынан Силээннээх орто оскуолата, математика учуутала;
15. Эбээн Бытантай улууһун Р.И.Шадрин аатынан Саккырыыр орто оскуолата, биология учуутала;
16. Кэбээйи улууһун Куокуй орто оскуолата, нуучча тылын уонна литэрэтиирэтин учуутала;
17. Үөһээ Халыма улууһун агро хайысхалаах Арыылаах орто оскуолата, математика учуутала.

Куонкурус усулуобуйатын, туох докумуон ирдэнэрин, сайаапканы ханна ыытары сиһилии СӨ Үөрэҕин уонна билимин министиэристибэтин саайтыгар көрүҥ.