Саха национальнай тыйаатыра төрүттэммит күнэ

Ил Дархан Ыйааҕынан биллэриллибит бу күн туһунан Айсен Николаев Ил Түмэҥҥэ туһаайыытыгар биллэрдэ.

«Тохсунньу 16 күнүн Саха национальнай тыйаатырын төрүттэммит күнүнэн олохтооһун – устуоруйа кырдьыга. Бу күн  Саха сирин тыйаатырдарын баай үгэстэрин уонна тыйаатыры тэрийээччилэр тустарынан санатар аналлаах  сыл аайы ыытыллар бүтүн норуот бырааһынньыгынан буолуоҕа”, — диэн СӨ култуураҕа уонна духуобунай сайдыыга миниистирэ Афанасий Ноев бэлиэтээн эттэ.

1906 сыл тохсунньу 3 (16) күнүгэр Петр Аммосович Охлопков-Наара Суох “Бэрт киһи Бэриэт Бэргэн” диэн сахалыы олоҥхону аан бастаан туруорбуттара. Бастакы туруоруулары биллиилээх уопсастыбаннай уонна бэлитиичэскэй диэйэтэл Василий Васильевич Никифоров-Күлүмнүүр көҕүлээбитэ. Бу күн Былатыан Ойуунускай аатынан Саха академическай тыйаатыра төрүттэммит күнүнэн ааҕыллыаҕа.

СӨ Ил Дарханын уонна бырабыыталыстыбатын пресс-сулууспата