Тохсунньу 30 күнүгэр диэри тымныы күннэр тураллар

Саха сиринээҕи гидрометеокиин иһитиннэрбитинэн, Дьокуускай куоракка тохсунньу 25-30 күннэригэр томороон тымныылар туруохтара. Ол курдук, салгын температурата нуорматтан 7 кыраадыс намыһах буолуоҕа. 

Бүгүн, тохсунньу 26 күнүгэр, үгүс улууска сөҥүүтэ суох. Хотугулуу-илин уонна арҕаа эргин кыратык хаардыаҕа. Булуҥ, Анаабыр улуустарыгар сөкүүндэҕэ 15 миэтэрэ түргэннээхтик тыалырыа. Түүнүн 49-54 кыраадыс,  Халымаҕа 33-38 кыраадыс тымныйбыт. Күнүһүн 44-49 кыраадыс (хаар түһэр кэмигэр 34-39 кыраадыс тымныы), Халыма эргин 30-35 кыраадыс тымныйар.

Оттон тохсунньу 27-28 күннэригэр  Халыма эргин уонна Арктика кытылынан, арҕаа эргин, Өлүөнэ алын тардыытынан уонна киин улуустарга кыратык хаардыыр. Булуҥ улууһугар сөкүүндэҕэ 16-21 миэтэрэ түргэннээхтик тыалырыа. Киин улуустарга туманнаах буолар. Түүнүн 46-54 кыраадыс, күнүһүн 43-48 кыраадыс тымныйар. Арҕаа эргин түүнүн уонна күнүһүн 35-40 кыраадыс тымныы буолар.  Халыма эргин түүнүн 30-35, күнүһүн 25-30 кыраадыс тымныы буолара күүтүллэр.