Тохсунньуга 880 оҕо күн сирин көрбүт

Саха сиригэр быйыл тохсунньуга 880 кырачаан күн сирин көрбүт: 472 уол уонна 408 кыыс.

Уон икки ийэ игирэлэммит. Бастакы игирэлэр тохсунньу 2 күнүгэр Хатаска Осиповтар дьиэ кэргэҥҥэ төрөөбүттэр. Уол ыйааһына 3400 гр, кыыс 2900 гр эбиттэр. Дьиэ кэргэҥҥэ кинилэр алтыс уонна сэттис оҕолор.

Былырыын өрөспүүбүлүкэҕэ 10721 оҕо төрөөбүтэ бэлиэтэнэр. 5443 уол, 5278 кыыс.

Ил Дархан Айсен Николаев Ил Түмэҥҥэ Анал этиитигэр, Уһук Илиҥҥэ Саха сирэ  нэһилиэнньэтэ улаатан иһэр соҕотох эрэгийиэн буоларын бэлиэтээбитэ.

Санатан эттэххэ, өрөспүүбүлүкэҕэ бэлиэтэнэринэн 1 мөл. 7500 тахса киһи олорор. Орто саас 73,17 тэҥ. Саха сирэ оҕо төрөөһүнүнэн ТОП-10 киирсэр.

Сиһилии https://www.sakha.gov.ru/news/front/view/id/3482492 манна көрүөххэ сөп.

СӨ Ил Дарханын уонна Бырабыыталыстыбатын пресс-сулууспата