Хаартыска: ЯСИА
Тохсунньу ыйга өрөспүүбүлүкэ дьарыктаах буолуу кииннэрин нөҥүө байыаннай дьайыы 10 кыттыылааҕа уонна кинилэр дьиэ кэргэттэрин 6 чилиэнэ үлэнэн хааччылынна. Бу туһунан олунньу 3 күнүгэр ыытыллыбыт брифиҥҥэ Нэһилиэнньэ дьарыктаах буолуутун судаарыстыбаннай кэмитиэтин бэрэссэдээтэлин солбуйааччы Георгий Борисов иһитиннэрдэ.
«Дьарыктаах буолуу сулууспатын уорганнара байыаннай дьайыы кыттыылаахтарын уонна кинилэр чугас дьоннорун үлэнэн хааччыйыыга көмөлөһөр судаарыстыбаннай өйөбүл миэрэлэрин бастакы уочаратынан олоххо киллэриини салгыыллар. Олохтоммут кубуота быһыытынан, үлэ биэрээччилэргэ инбэлииттээх байыаннай дьайыы кыттыылаахтарын үлэҕэ киллэриигэ ороскуоттарын толуйарга субсидия биэрэбит. Субсидия кээмэйэ үлэ төлөбүрүн алын кээмэйигэр тэҥнэһэр уонна гражданин үс ыйдаах үлэтин ороскуотуттан ааҕыллан тахсар. 2026 сылга 16 киһини үлэнэн хааччыйыыга 2,5 мөл. солкуобай көрүлүннэ», – диэн Георгий Борисов бэлиэтээтэ.
Дьарыктаах буолууга судаарыстыбаннай кэмитиэтин бэрэссэдээтэлин солбуйааччытын иһитиннэриитинэн, үлэ биэрээччилэр РФ Бэрэсидьиэнэ Владимир Путин көҕүлээбит «Каадырдар» национальнай бырайыагын «Дьарыктаах буолууга көмөлөһөр көхтөөх миэрэлэр» федеральнай бырагырааматын чэрчитинэн ыытыллар тэрээһиннэргэ кыттыахтарын сөп. Ол курдук, 1 уонна 2-с группалаах инбэлииттэри, инбэлииттээх байыаннай дьайыы бэтэрээннэрин үлэнэн хааччыйарга үлэ миэстэлэрин тэрийэр үлэ ыытыллар.
Субсидия тэрили атыылаһарга, таҥарга уонна туруорарга ананар. Субсидия кээмэйэ 200 тыһыынча солкуобайга тиийэр. Ону таһынан үп-харчы гражданнар сорох категорияларын, ол иһигэр байыаннай дьайыыга кыттыбыт байыаннай дьайыылар бэтэрээннэрин, байыаннай дьайыы соруктарын толоруу кэмигэр охтубут дьон дьиэ кэргэттэрин чилиэннэрин үлэҕэ ылыыны көҕүлүүр судаарыстыбаннай өйөбүлгэ туһуланар.
«Быйыл өрөспүүбүлүкэ дьарыктаах буолуу сулууспатыгар бу тэрээһиннэргэ кыттарга 3 үлэ биэрээччиттэн сайаапка киирдэ. Номнуо 5 киһи, ол иһигэр байыаннай дьайыы 4 бэтэрээнэ үлэнэн хааччылынна», – диэн Георгий Борисов эттэ.
Санатан эттэххэ, СӨ Ил Дархана Айсен Николаев Ил Түмэҥҥэ туһаайан этиитигэр байыаннай дьайыы байыастарыгар уонна кинилэр дьиэ кэргэттэригэр эрдэттэн дьаһанан көмөлөһүү суолталааҕын туһунан эппитэ.
«Хомойуох иһин, байыаннай дьайыы бэтэрээннэрэ уонна кинилэр чугас дьонноро бэйэлэрин бары бырааптарын уонна кыахтарын билбэт түгэннэрэ баар буолар. Ханнык өйөбүл миэрэлэрэ кинилэргэ баарын билбэттэр. Маннык балаһыанньа суох буолуохтаах», – диэн Ил Дахан эппитэ. Сиһилии: https://www.sakha.gov.ru/news/19684
Эдьигээҥҥэ олимпийскай чөмпүйүөн Роман Дмитриев кэриэһигэр үөрэнээччилэр ортолоругар мас тардыһыыга күрэх түмүктэннэ. Күрэхтэһиигэ 60-тан тахса…
Айсен Николаев уонна Степан Саргыдаев оробуочай мунньахтарыгар Чурапчы улууһун социальнай-экэнэмиичэскэй сайдыытын боппуруостарын дьүүллэстилэр. Степан Саргыдаев…
Бу сыл олунньу 2 күнүттэн ИТ-исписэлиистэр «Госуслуги» портаалга 2026 сылга аармыйаттан босхолонууга сайабылыанньа биэриэхтэрин сөп.…
Олунньу 3 күнүгэр биир дойдулаахпыт, СӨ үтүөлээх артыыската, дьоҥҥо-сэргэҕэ тыйаатыр уонна киинэ артыыһын быһыытынан киэҥник…
Олунньу 3 күнүгэр сарсыарда эрдэ ЫБММ сүрүн управлениетыгар Мииринэй куоракка Ойуунускай уулуссаҕа турар аралдьытар киин…
Бу туһунан Судаарыстыбаннай Дума Бэрэссэдээтэлэ Вячеслав Володин иһитиннэрдэ. Ийэ хапытаалын кээмэйэ улаатта. Бастакы оҕо төрөөтөҕүнэ дьиэ…