Тохсунньуга биэнсийэни түҥэтии болдьоҕо уларыйда

Саха сиринээҕи Биэнсийэ пуондата биллэрбитинэн, 2023 с. тохсунньу ыйдааҕы биэнсийэни уонна босуобуйаны түҥэтии болдьоҕо Саҥа дьыллааҕы бырааһынньыктар өрөбүллэринэн сибээстээн уларыйда.

«Почта России» АУо почта сибээһин нөҥүө өрөспүүбүлүкэ оройуоннарыгар биэнсийэни маннык кыраапыгынан тириэрдиэ:
-Тохсунньу 4 күнэ – 7 чыыһылаҕа төлөнөр уонна тириэрдиллэр биэнсийэ киириэ;
-Тохсунньу 5 күнэ – кыраапык быһыытынан төлөнүө;
-Тохсунньу 6 күнэ – кыраапык быһыытынан төлөнүө;
-Тохсунньу 7 күнэ – өрөбүл (бырааһынньык) күнэ;
-Тохсунньу 8 күнэ – өрөбүл күн (баскыһыанньа);
-Тохсунньу 9 күнэ – 8 уонна 9 чыыһылатааҕы күннэргэ ылааччыларга түһүөҕэ. Салгыы олохтоммут кыраапыгынан барыа.

Онтон Дьокуускай куоракка уонна куорат кытыытыгар биэнсийэ олорооччуларга, 7 чыыһылаттан ураты олохтоммут кыраапыгынан түҥэтиллиэ. 7 чыыһыла бырааһынньыкка түбэһэринэн тохсунньу 4 күнүгэр төлөбүр ыытыллыа.
Биэнсийэлэрин уонна атын даҕаны социальнай төлөбүрдэри кирэдьиит тэрилтэлэрин нөҥүө – 8, 10, 16, 17-с чыыһылаларга ылар дьон, болдьох иннинэ, ахсынньы 30 күнүгэр диэри төлөбүр ыытыллыа.