Тохсунньуга былырыыҥҥыттан 11,7%-нан элбэх буруйу оҥоруу бэлиэтэммит

2025 сыл тохсунньутугар Саха сиригэр 925 буруйу оҥоруу регистрацияламмыт, ити ааспыт сыллааҕы көрдөрүүттэн 11,7%-нан элбэх диэн СӨ Борокуратууратын саайта суруйар.

Буруйу оҥоруу улаатыыта 22 куораттарга уонна улуустарга бэлиэтэммит, оттон 11 муниципальнай тэриллиилэригэр намтааһын регистрацияламмыт.

Дьокуускай куоракка 471 буруй оҥоһуллубут. 2025 сыл тохсунньутугар 9 киһини өлөрүү, дьоҥҥо соруйан ыарахан эчэйиилэри таһаарбыт 5 чахчыта регистрацияламмыттар.

Урукку курдук, буруйу оҥоруу улахан аҥаарын кэриэтэ (46,7%) бас билии баайын-дуолун кытта сибээстээх – 432. Бас билиигэ буруйу оҥоруу ахсаана түөкүннээһинтэн тахсыбыт өлүүтэ – 205. Онуоха уоруу ахсаана намтаабыт — 175, ону таһынан халабырдьыттааһын – 1, халааһын – 10, харчыны көрдөөн ылыы – 5, харчыны иҥэринии, ороскуоттааһын – 8.

Аныгы технологияларынан уонна көмпүүтэр иһитиннэриилэрин туһанан 269 буруйу оҥоруу тахсыбыта бэлиэтэннэ — 17,5% улааппыт. Экэниэмикэ уонна коррупция хайысхалаах буруйу оҥоруу -36.

Наркотигы сокуоннайа суох эргиниигэ 36 буруйу оҥоруу бэлиэтэммит, ол иһигэр 24 ураты ыар, итирик туруктаах сылдьан тырааныспары хаттаан салайыы 30 чахчыта регистрацияламмыт.

157 буруйу оҥоруу уопсастыбаннай миэстэлэргэ тахсыбыт, ол иһиттэн уулуссаҕа — 106.

Дьахталларга 96 буруйу оҥорбуттар, ааспыт сылы кытта тэҥнээтэххэ, 65,5 % тэҥнэспит. Силиэстийэлэммит буруйдар уопсай ахсааныттан 175 итирик туруктаах сылдьан оҥоһуллубут, ааспыт сылы кытта тэҥнээтэххэ, бу көрдөрүү 5,4 %-нан намтаабыт.