Тохсунньуга социальнай эйгэҕэ уларыйыылар киирдилэр

Тохсунньу 1 күнүттэн социальнай эйгэҕэ кэккэ уларыйыылар уонна саҥа дьаһаллар киирдилэр. Бу туһунан Социальнай пуонда Саха сиринээҕи салаата иһитиннэрэр.

Биэнсийэ үрдээтэ:

— Үлэлээбэт биэнсийэлээхтэргэ страховой биэнсийэ 7,5% үрдээтэ;
— Үлэлиир биэнсийэлээхтэргэ саҥа анаммыт биэнсийэ төлөбүрүн коэффициент уонна олохтоммут төлөбүрдэр нөҥүө индексациялаан 7,5 % улаатта;
— Ону сэргэ 2024 сылга биэнсийэҕэ тахсыы сааһа уларыйда. Дьахталларга 58, эр дьоҥҥо 63 саас буолла. Билигин страховой биэнсийэ ылар туһугар кырата 15 сыл үлэ ыстааһа уонна 28,2 биэнсийэ коэффициена наада.

Оҕоҕо көрүллэр төлөбүрдэр:

— Быйыл сыл саҕаланыаҕыттан Арассыыйаҕа тиийинэн олоруу алын кээмэйэ улаатта, онтон биир кэлим босуобуйа кэриҥэ тутулуктаах – 50%, 75% эбэтэр 100%;
— Хат буолууга уонна төрөөһүҥҥэ босуобуйа муҥутуур суумата 383 тыһыынчаттан 565 тыһыынча солкуобайга диэри үрдээтэ;
— Билигин төрөппүттэр өскөтүн уоппускаттан болдьоҕун иннинэ үлэлэригэр таҕыстахтарына, оҕолорун 1,5 сааһыгар диэри босуобуйаны ылар бырааптарын сүтэрбэттэр;
— Оттон инбэлиит оҕону көрөр төрөппүттэр уонна эппиэкэҕэ ылбыт дьон үлэҕэ толорута суох үлэ бириэмэтин усулуобуйатын тутустахтарына төлөбүр оннунан хаалар.

Ыарыһах быстах кэмҥэ үлэттэн босхолонор лииһэ:

— Быстах кэмҥэ үлэлиир кыаҕа суох ыарыһах ылар босуобуйатын кээмэйэ – ыйга 83-н 122 тыһыынча солк. диэри улаатта.

Ийэ хапытаала:

— Билигин ийэ хапытаалын төрөппүттэр оҕо төрүүрүгэр Арассыыйа Федерациятын гражданнара эрэ буоллахтарына ылар бырааптаахтар;
— Тохсунньу 1 күнүттэн ийэлэр курдук сертификаты ылар бырааптаах аҕалар, ийэ хапытаалын бэйэлэрин мунньуллар биэнсийэлэригэр ыытыахтарын сөп;
— Дьиэ кэргэн ийэ хапытаалын суотугар тутуута хааччахтанан турар дьиэни иэнин олох-дьаһах усулуобуйатын тупсарыыга туһуламмыт ньыманан саҥаттан тутарга туттуохтарын сөп;
— Олунньу 1 күнүттэн ийэ хапытаалын кээмэйэ бастакы оҕоҕо 630 967,72 солк., иккискэ – 833 800,37 солк. буолуоҕа.