Тохсунньутааҕы босуобуйа, биэнсийэ ахсынньы бүтүүтэ түһүөҕэ

Социальнай пуонда Саха сирнээҕи салаата иһитиннэрэринэн, биэнсийэни уонна оҕо босуобуйаларын Саҥа дьыл иннинэ эрдэ биэриэхтэрэ. 

Тохсунньу бастакы нэдиэлэтэ бырааһынньык күннэригэр түбэһэринэн, оҕо босуобуйатын баан счетугар түһэртэрэн ылар дьон ахсынньы 25 күнүгэр тутуохтара. Ахсынньы 26 күнүгэр диэри каартаҕа, счекка түһэртэрэн, 8-с, 10-с чыыһылаҕа ылар дьоҥҥо тохсунньутааҕы биэнсийэлэрэ түһүөҕэ.

Ол эбэтэр, тохсунньутааҕы биэнсийэ ахсынньы бүтүүтэ, эрдэ түһэр. Аныгыскы биэнсийэ олунньуга түһүөҕэ. Онон тохсунньуга харчыны барытын бүтэрэн кэбиспэккэ, ууруммут, ордоруммут ордук.

Буостанан босуобуйаны, биэнсийэни ылар дьоҥҥо буоста салаатын үлэтин кыраапыгынан кэлэр.

Улуустарга «Арассыыйа буостата» маннык кыраапыгынан үлэлиир:

• тохсунньу 3 күнүгэр – 3-с, 5-с чыыһылатааҕы төлөбүр;
• тохсунньу 4 күнүгэр – өрөбүл күн;
• тохсунньу 5 күнүгэр – 5-с, 7-с чыыһылатааҕы төлөбүр;
• тохсунньу 6 күнүгэр – 6-с, 7-с чыыһылатааҕы төлөбүр;
• тохсунньу 7 күнүгэр – өрөбүл күн;
• тохсунньу 8 күнүгэр – салгыы кыраапыгынан.

«Арассыыйа буостата» Дьокуускайга уонна куорат аттынааҕы салааларыгар биэнсийэни тиэрдиитэ:

• тохсунньу 3 күнүгэр – кыраапыгынан;
• тохсунньу 4 күнүгэр – 4-с, 7-с чыыһылатааҕы төлөбүр;
• тохсунньу 5 күнүгэр – 5-с, 7-с чыыһылатааҕы төлөбүр;
• тохсунньу 6 күнүгэр – 6-с, 7-с чыыһылатааҕы төлөбүр;
• тохсунньу 7 күнүгэр –  өрөбүл күн;
• тохсунньу 8 күнүгэр – салгыы кыраапыгынан.