Хаартыска: sakha.gov.ru
РФ Бырабыыталыстыбатын бэрэссэдээтэлин солбуйааччы уонна УИФУо бэрэсидьиэн боломуочуйалаах бэрэстэбиитэлэ Юрий Трутнев «Россия-24» ханаалга “тохсунньутааҕы истиилэр” түмүктэринэн интервью биэрдэ.
Интервьюга Уһук Илиҥҥи уокурукка инвестицияны тардыы, үлэ миэстэтин таһаарыы, энэргиэтикэ, Камчатка кыһалҕатын, Уһук илиҥҥи ипэтиэкэ, тутуу, үрдүк технологиялар, байыаннай дьайыыга көмө, хотугу муора суолун туһунан кэпсэттилэр.
“Бу сылларга эрэгийиэҥҥэ 6 трлн солк. инвестиция киирэн, 1000-тан тахса тэрилтэни астыбыт, 189 тыһ. үлэ миэстэтин таһаардыбыт”, — диэбит Трутнев.
Барҕа баайдаах эрэгийиэн өссө күүскэ хамсаныаҕын эниэргийэ тиийбэтэ атахтыыр.
“Саҥа бырайыактар көһүннүлэр. Олортон биирдэстэрэ Саха сиригэр саҥа гидроэлектростанцияны тутуу буолар. Ол тутулуннаҕына, энэргиэтикэҕэ балачча күүстээх дьайыыны оҥоруоҕа”, — диэбит боломуочуйалаах бэрэстэбиитэл.
Тутууга эрэгийиэн нэһилиэнньэ ахсаанынан да, уопсай сабардамынан даҕаны Арассыыйа орто көрдөрүүтүн балтараа төгүлүнэн куоһаран иһэр. Уһук Илиҥҥи ипэтиэкэ итиннэ үлэлии турара улахан оруоллаах. Юрий Трутнев эппитинэн, дьиэ орто сыаната Арассыыйа киин өттүнээҕэр 21%-нан чэпчээбит.
Технологическай инники күөҥҥэ тахсыыга эмиэ быһаарыы ылыллыбыт, ол курдук Приморьеҕа уонна Хабаровскайга микроэлектрониканы оҥорор үс собуот тутуллар буолбут.
Хотугу муора суолугар улахан болҕомто ууруллан эрэрэ көстөр. Муора суолун Трансарктическай көрүдүөргэ уларытар гына бырайыак оҥоһуллубут. Таһаҕаһы муоранан эрэ таспакка, өрүстэринэн үөһээ таһаарыы көрүллүбүт. Ол гынан баран, манна өрүстэр түгэхтэрин ыраастыахха, саҥа тимир суоллары тутуохха наада. Бу боппуруоһунан Трутнев икки нэдиэлэ анараа өттүгэр сүбэ мунньах ыыппыт, онон бырайыагы олоххо киллэрэр үлэ саҕаланарын ситиһэр санаалаахтар.
Быйыл Хомус киинэ уонна түмэлэ Абый, Аллайыаха, Муома, Үөһээ Халыма, Аллараа Халыма уонна Орто Халыма…
Тохсунньу 31 күнүгэр идэлээх бырааһынньыктарын ювелирдар – күндү таастары уонна металлары кытта күннэтэ үлэлиир маастардар…
Тайвань Национальнай университетын учуонайдара 20 эрэ күн иһигэр баттаххын бүтүннүү чөлүгэр түһэрэр куттала суох уонна…
Дьокуускайга 3 №-дээх полиция отделын дьуһуурунай чааһыгар оскуолаҕа үөрэнэр оҕолоох ийэ үҥсүү суруйбут. Кини уола…
Харбалаахтааҕы үөрэхтээһин холбоһугун кытта олохтоох бибилэтиэкэ сэбиэдиссэйэ Диана Егоровна Соломонова ыкса сибээстээхтик үлэлиир. 1941 сыл…
Тыһыынчаттан тахса байыас уонна кинилэр дьиэ кэргэттэрэ кэлим реабилитацияны аастылар. Өрөспүүбүлүкэтээҕи инбэлииттэри чөлгө түһэрэр социальнай-чэбдигирдэр киин…