Хаартыска: М.Васильева (ЯСИА)
2026 сылга төлөбүрдэри былаан быһыытынан үрдэтии бары биэнсийэлээхтэри таарыйыа.
Төлөбүр кээмэйэ уонна төһө чаастатык уларыйара, биэнсийэлээз категориятыттан уонна эбии үбү ылар төрүөттэн улахан тутулуктаах. Бу туһунан «Прайм» ааҕыныстыбаҕа Үрдүкү экэниэмикэ оскуолатын (НИУ ВШЭ) быраап факультетын декана, бэрэпиэссэр Вадим Виноградов кэпсээтэ.
Гражданнар үгүстэригэр сүрүн уларыйыынан тохсунньу 1 күнүттэн былааннаммыт страховой биэнсийэлэри индексациялааһын буолуоҕа. Индексация коэффициена 7,6% таһымынан олохтоммута, ол 2025 сылга сабаҕаланар инфляцияҕа сөп түбэһэр диэн эспиэр быһаарар.
«Түмүгэр, сааһынан страховой биэнсийэ орто кээмэйэ 27 тыһыынча солкуобайтан тахсыа, оттон биир биэнсийэ баалын сыаната 156,76 солкуобай буолуо. Бу үрдэтии барыларын хабар хабааннаах уонна үлэлиир биэнсийэлээхтэри эмиэ таарыйыа», — диир кини. Уларыйыы автоматическайдык, ханнык да сайабылыанньата суох барыаҕа.
Социальнай биэнсийэлэри индексациялааһын муус устар 1 күнүттэн 6,8%-нан эмиэ автоматическай бэрээдэгинэн ыытыллыаҕа. Төлөбүрдэр страховой ыстааһа суох, эбэтэр ыстаастара тиийбэт гражданнарга ананаллар: инбэлииттэргэ, ол иһигэр инбэлиит оҕолорго, тулаайах оҕолорго уонна Хотугу аҕыйах ахсааннаах норуоттар бэрэстэбиитэллэригэр.
Ананан турар биэнсийэҕэ ый аайы эбии төлөбүрү чэпчэтиилээх категориялар туһаныахтарын сөп: гражданскай авиация лүөччүктэрин экипажтара уонна таас чох бырамыысыланнаһын үлэһиттэрэ. Юрист этэринэн, төлөбүр үлэ ураты усулуобуйатын иһин компенсация буолар уонна үлэһит орто ыйдааҕы хамнаһыттан, анал ыстааһыттан быһаччы тутулуктаах. 2026 сылга төлөбүр кээмэйэ түөртэ хос ааҕыллыа: олунньу 1, ыам ыйын 1, атырдьах ыйын 1 уонна сэтинньи 1 күннэригэр. Онон, чуолаан гражданнар төлөбүрдэрэ ордук чаастатык хос көрүллэр категорияҕа киирсэллэр.
Күһүҥҥүгэ байыаннай биэнсийэлээхтэргэ төлөбүрү хос ааҕыы былааннанар. Кинилэр төлөбүрдэрин суумата харчынан хааччыллыыттан тутулуктаах, оттон индексация чуолкай кээмэйин бырабыыталыстыба хойутуу быһаарыа диэн Вадим Виноградов түмүктээтэ.
Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил…
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…