Хаартыска: быһа эпииртэн -- скрин.
Ил Дархан быһа эпииригэр хамнас алын кээмэйин, бүддьүөт үлэһиттэригэр хамнас үрдүүрүн туһунан ыйыттылар.
Айсен Николаев этэринэн, өрөспүүбүлүкэҕэ хамнас алын кээмэйэ (МРОТ) билигин 48 тыһыынча солкуобайга, хотугу улуустарга 52 тыһыынча солкуобайга тэҥнэһэр. 2025 сылга 56 тыһыынча солкуобай, Арктика улуустарыгар 60 тыһыынча солкуобай буолуоҕа диэн кини эттэ. Бу мантан сылтаан, сорох үлэһиттэр хамнастара үрдүөҕэ.
— Хамнас алын кээмэйэ үрдээтэҕинэ, үгүс категорияларынан хамнас үрдүөҕэ, тоҕо диэтэр, элбэх хайысхаҕа хамнас кээмэйэ МРОТ кээмэйиттэн тутулуктаах. Учууталлар, миэдиктэр, учуонайдар хамнастара эрэгийиэн көрдөрүүтүн кытта ситимнээхтэр. Бу ыйааҕынан үрдүүр категорияларынан хамнас үрдүүрүн кэтэһэбит, — диэн кини эттэ.
Маны тэҥэ, ыйааҕа суох категориялаах үлэһиттэргэ — холобур, быыһааччыларга, ойуур хаһаайыстыбатын үлэһиттэригэр, судаарыстыбаннай, муниципальнай сулууспалаахтарга — барыта 30-тан тахса тыһыынча киһиэхэ балаһыанньа судургута суох. Кинилэргэ бэрэсидьиэн ыам ыйынааҕы ыйааҕа дьайбат. Ол эрээри, өрөспүүбүлүкэ салалтата маннык категориялаах үлэһиттэргэ 2025 сыл тохсунньу 1 күнүттэн хамнастарын 6% үрдэтэргэ быһаарыы ылыммыта.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…