Тохсунньуттан хамнас алын кээмэйэ үрдүөҕэ

2025 сылга  Арассыыйаҕа хамнас алын кээмэйэ 22440 солк. быһыллыа. 

Бу саҥа сылга Арассыыйа үрдүнэн хамнас алын кээмэйэ (МРОТ) 22440 солк буолар, ол аата 16,6 % үрдүүр, былырыын 19242 солк этэ. Бу үрдээһиҥҥэ Арассыыйа үрдүнэн 4,2  мөл. үлэһит хапсыа. Дойдубутугар хамнас алын кээмэйин үрдэтии биир национальнай сыалынан-соругунан буолар. Дойдубут бэрэсидьиэнэ Владимир Путин ыам ыйынааҕы ыйаахтарыгар олоҕуран, хамнас алын кээмэйэ 2030 сылга диэри 35 тыһ. солк. диэри тиэрдиллиэхтээх.