Тохсунньуттан хапытаалынай өрөмүөн төлөбүрэ үрдээтэ

Тохсунньутааҕы төлөбүр суумата олунньу 10 күнүгэр диэри ааҕыллыаҕа.

2025 сыл тохсунньу 1 күнүттэн Саха сиригэр элбэх кыбартыыралаах дьиэлэр хапытаалынай өрөмүөннэригэр саҥа тарыыптар олохтоннулар. Хапытаалынай өрөмүөҥҥэ төлөбүр алын кээмэйэ 10% улаатта.

Саха сиринээҕи хапытаалынай өрөмүөн пуондата быһаарбытынан, индексация тутуу матырыйаалын уонна өрөмүөн үлэтин сыаналара үрдээһинин кытта сибээстээх. Олунньу 10 күнүгэр диэри тохсунньутааҕы усунуос суумата ааҕыллыаҕа.

Элбэх кыбартыыралаах дьиэлэргэ уопсай баай-мал хапытаалынай өрөмүөнүгэр олорор да, олорбот да дьиэлэригэр бас билээччилэр усунуоһу  төлүүллэрэ ирдэнэр.