Хаартыска: М.Васильева (ЯСИА)
2026 сылга Саха сиригэр социальнай төлөбүрдэр 6%-нан улаатыахтара, индексация 182 тыһыынчаттан тахса киһиэхэ оҥоһуллуоҕа. Бу туһунан СӨ Бырабыыталыстыбатын пресс-сулууспата иһитиннэрдэ.
«2026 сыл тохсунньу 1 күнүттэн Саха сиригэр кэккэ социальнай төлөбүрдэр индексацияланыахтара. Маныаха сөптөөх уураах өрөспүүбүлүкэ бырабыыталыстыбатын мунньаҕар көрүлүннэ. Социальнай төлөбүрдэри 6% үрдэтии көрүллэр. Саҥа дьаһал 182 тыһыынчаттан тахса Саха сирин олохтооҕун таарыйыаҕа», — диэн иһитиннэриигэ этиллэр.
Төлөбүрү туһанааччылар ахсааннарыгар биэнсийэлээхтэр, үлэ уонна тыыл бэтэрээннэрэ, Аҕа дойду Улуу сэриитин оҕолоро, реабилитацияламмыт дьон, бэлитиичэскэй репрессияҕа түбэспит гражданнар, ону тэҥэ харахтарынан инбэлииттэр киирэллэр. Төлөбүрү улаатыннарыы ый аайы бэриллэр харчыга уонна өрөспүүбүлүкэ бүддьүөтүттэн үбүлэнэр эбии социальнай өйөбүл дьаһалларыгар оҥоһуллуоҕа.
Үрдэтии тыа сирин олохтоохторугар уонна төрүт дьарыктаах салааларга анаммыт социальнай босуобуйаларга эмиэ сыһыаннаах. Маны таһынан, тулаайах уонна төрөппүт көрүүтэ суох хаалбыт оҕолорго бэриллэр сорох биир кэмнээх босуобуйа кээмэйэ, иитиэх төрөппүттэргэ уонна патронат иитээччилэргэ төлөбүрү ааҕарга туттуллар базовай кээмэй улаатыаҕа. Итиэннэ 2026 сыл тохсунньу 1 күнүттэн иитиэх дьиэ кэргэҥҥэ кырдьаҕас дьону көрөр-харайар гражданнарга ый аайы төлөнөр харчы кээмэйэ үрдүөҕэ.
Үүнэр сылтан НДС уонна дьиэ-уот тарыыптара үрдүүллэр, МРОТ, биэнсийэ уонна тиийинэн олоруу алын кээмэйэ улаатар.…
Саҥа дьыл бырааһынньыгын көрсө, Дьокуускай куорат биир биллиилээх эрэстэрээнэ үгэс буолбут «Саҕынньахтаах селедка» салааты саха…
Омугуттан тутулуга суох бэйэ төрөөбүт тылын билии — олох сүрүн ирдэбилэ. Ааһа баран, элбэх тылы…
Өрөбүл сарсыарда Дьокуускайга Каландаришвили уулуссаҕа турар икки этээстээх олорор дьиэҕэ баһаар тахсыбыт. Быһылаан тахсыбыт сириттэн…
Кыһын дьиэ үүнээйилэрэ мэлдьи эрэйдэнэллэр, сэбирдэхтэрэ саһарар уонна түһэр диэн «Ученый агроном» ханаал ааптара суруйар.…
Айсен Николаев Саха Өрөспүүбүлүкэтин Бастакы Бэрэсидьиэнин оскуолаларын ситимин сайыннарыы боппуруостарыгар мунньах ыытта. Көрсүһүүгэ бэрэсидьиэн оскуолаларын…