Тохсунньуттан Роскомнадзорга бэлиэтэниини ааспатах блог, канаал бас билээччилэрин ыстарааптыахтара

Бу сыл сэтинньиттэн 10 тыһ. тахса сурутааччылаах блог уонна канаал бас билээччилэрэ Роскомнадзорга бэлиэтэниэхтээхтэр (регистарция). Өскөтүн бэлиэтэммэтэхтэринэ кэлэр сылтан кинилэри туох күүтэр?

Өскөтүн бэлиэтэниини ааспатахтарына кэлэр сыл тохсунньу 1 күнүттэн:

— блогер бэйэтин блогугар, канаалыгар угуйугу (реклама) таһаарбат буолар.

Маны кэстэҕинэ блог бас билээччитэ эрэ буолбакка, угуйугу таһаартарбыт киһи эмиэ ыстарааптанар: биирдиилээн дьоҥҥо – 2000-2500 солк.,  юридическай сирэйдэргэ – 100-500 тыһ. солк.;

— харчынан кинини өйүүр туһунан блогка таһаарар, холобур, каналга сурутууну төлөбүрдээх оҥоруу көҥүллэммэт;

— Роскомнадзор социальнай ситими дьаһайааччыларга тустаах страницаны тохтотор туһунан ирдэбил суруйуон сөп;

— Туһанааччылар бэлиэтэммэтэх блогтан иһитиннэриини тарҕаталлара (репост) көҥүллэммэт. Бу туһунан Объясняем РФ иһитиннэрэр.

Сэтинньи номнуо түмүктэнэн эрэр. Бука, блог, канаал бас билээччилэрэ бэлиэтэнэргэ улаханнык тиэтэйбэттэр быһыылаах. Ол иһин суоһурҕанар суругу таһааран эрдэхтэрэ диэн сабаҕалыахха сөп.