Бүгүн, тохсунньу 18 күнүгэр, сарсыарда 5:20 ч. «Умнас» айан суолугар Покровскай куорат аттыгар 8 пассажирдаах «Toyota Hiace» мааркалаах массыына двигателэ умуллан, тохсунньу томороон тымныытыгар алдьанан, иэдээн буола сыыспытын туһунан Покровскай куорат дьаһалтата телеграм-ханаалыгар иһитиннэрэр.
Бу таксыы Нерюнгри оройуонуттан дьону илдьэ Дьокуускай куоракка айаннаан испит. Хата, Покровскай куорат чугаһыгар алдьаммыт буолан, куорат дьаһалтатын икки «УАЗ» массыыната суһаллык тиийэн, дьону сылаас массыынаҕа көһөрбүттэр, онтон «Toyota Hiace» массыынаны өрөмүөҥҥэ илдьибиттэр. Кириһиэнньэ томороон тымныыта түһэн турар кэмигэр, чугаһынан киһитэ-сүөһүтэ, дьиэтэ-уота суох, суол ортотугар алдьаммыттара буоллар, иэдээн эбит.
Онон Покровскай куорат дьаһалтата нэһилиэнньэни тымныы сатыылаан турдаҕына, бачча тумаҥҥа ыраах айаҥҥа барартан туттуналларыгар, оттон суоппардарга ыксаллаах быһыы-майгы тахсар түгэнигэр наадалаах маллары (торуоһу, инструмены, аварийнай бэлиэни, сылаас таҥаһы, аптечканы, о.д.а.) илдьэ сылдьалларыгар көрдөһөр.
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.