Хаартыска: ааптар тиксэриитэ
Сунтаар улууһун Тойбохой нэһилиэгин «Далбар» үҥкүү ансаамбыла «Куораттар олохторо» бэстибээли тэрийэр кэмитиэт тэрээһининэн Татарстан Өрөспүүбүлүкэтин Казань куоратыгар ыытыллыбыт «Ускуустубалар планеталара» норуоттар икки ардыларынааҕы куонкуруска кыттан, Гран-при кыайыылааҕа буолла.
СӨ култууратын туйгуна, хореограф Мария Семенова салайааччылаах, К.С. уонна А.В. Тихоновтар ааттарынан Тойбохойдооҕу «Кыталык» Култуура киинин иһинэн үлэлиир «Далбар» үҥкүү кэлэктиибэ ону сэргэ норуот ускуустубатын тарҕатарга уһулуччу үтүөлэрин иһин анал сэртипикээти тутта.
Куонкурус Казань куоракка Ленин аатынан Култуура дыбарыаһыгар буолла. Куонкуруска үҥкүү 77 бөлөҕө кэлэн кытынна. Казаньтан дьахталлар бөлөхтөрө элбэҕэ, таҥастара-саптара дьэрэкээнэ, олохтоохтор элэккэйдэрэ сөхтөрдө.
«Далбар» ансаамбыл хотугу үҥкүүнэн кытынна. Көрөөччүлэр да, кыттааччылар да ыраах Саха сириттэн кэлбит үҥкүүһүттэр көстүүмнэрин эдэрдиин эмэнниин эргийэ сылдьан көрдүлэр. Дьахталлар ытамньыйа-ытамньыйа хайҕаан долгуттулар.
Саха сириттэн тиийбит үҥкүүһүттэр түспүт отелларыттан, куонкурус үрдүк таһымнааҕыттан олус астыннылар. Баай устуоруйалаах куорат элбэх кэрэ-бэлиэ сирдэригэр экскурсияҕа сырыттылар.
«Далбар» ансаамбыл салайааччытыгар Мария Николаевна Семеноваҕа уонна кэлэктиипкэ бу 10 сыллаах сыралаах дьарыктаныы түмүгэр нэһилиэкпитин үрдүк таһымҥа ааттата сылдьалларыгар махтанабыт.
Валерий ИЛЛАРИОНОВ, Тойбохой олохтооҕо
Сайыҥҥы уһун сынньалаҥнар кэннэ үлэ, үөрэх дьыла саҕаланыыта дьиэ кэргэн бүддьүөтүгэр улахан хамсааһын тахсар. Маныаха…
Өлүөхүмэ улууһугар 44 саастаах эр киһи матасыыкылынан айаннаан иһэн сылгыны кытта харсыспыт. Ол түмүгэр суоппар…
Бүгүн Доҕордоһуу болуоссатыгар куорат 393 сылыгар аналлаах Оһуокай үрдүк таһымнаахтык ыытылынна. [gallery ids="241612,241622,241621,241620,241619,241618,241617,241616,241615,241614,241613,241610,241611"] Оруобуна 1…
Дьокуускай куорат күнүн көрсө мээр Евгений Григорьев суруналыыстары мунньан пресс-конференция ыытта. Тэрээһин быйыл күһүн үлэҕэ…
Ханнык баҕарар норуокка инники сайдыыны быһаарар күүһүнэн дойдуларын туһугар күүскэ, бэриниилээхтик үлэлии сылдьар, сайдыы суолун…
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…