https://t.me/mouo_suntar
Кулун тутар 14 күнүгэр Сунтаар улууһун Г.Е. Бессонов аатынан Тойбохой орто оскуолатыгар «Зарница 2.0» байыаннай-патриотическай оонньуу муниципальнай түһүмэҕэ ыытылынна.
Барыта 13 хамаанда, 130 үөрэнээччи кыттыыны ылла. Күрэхтэһии үөрүүлээх аһыллыытыгар Тойбохой баһылыгын солбуйааччы Айаал Леонтьев, Сунтаар улууһун үөрэҕин салалтатын салайааччыта Борис Васильев, Тойбохой оскуолатын дириэктэрэ Айаал Тотонов, Бүтүн Россиятааҕы оҕо уонна ыччат хамсааһына «Бастыҥнар хамсааһыннара» олохтоох салаатын бэрэссэдээтэлэ Мария Егорова эҕэрдэ тылларын эттилэр, кыттааччыларга ситиһиилэри баҕардылар.
Ураты түгэнинэн юнармеецтар кэккэлэригэр киирии сиэрэ-туома буолла. 90 эдэр патриот төрөөбүт дойдуларыгар итэҕэллээх, үгэстэрин тутуһарга уонна саастыылаахтарыгар холобур буоларга эрэллэрин биллэрдилэр.
Сэрэбиэй кэнниттэн строевой хаамыы көрүүтэ ыытылынна. Ону кытта араас хайысхаларга бастыҥнары быһаарар кэккэ түһүмэхтэр ыытылыннылар. Ол курдук, хамандыырдар бэйэлэрин кыахтарын, билиилэрин, оттон политруктар үөрүйэхтэрин көрдөрдүлэр. Таһырдьа инженер-сапердар миинэ көрдөөһүҥҥэ күрэхтэстилэр. Военкордар оперативнай репортажтары оҥорууга, медиктар уонна штурмовиктар спорт саалаҕа бастакы көмөнү оҥорууга уонна мэһэйи туоратыыга күрэхтэстилэр. Ону таһынан «Огневая подготовка» түһүмэххэ сатабылларын көрдөрдүлэр. Биир саамай тутаах түһүмэҕинэн хамаанданан түргэн тэтимнээхтэрин көрдөрөр «Военизированная эстафета» диэн буолла. Тыҥааһыннаах күн кэнниттэн «Зарница 2.0» кыайыылаахтара ааттаннылар. Дохсун ытыс тыаһынан, бастыҥ хамаандалар уонна кыттааччылар бочуоттаах наҕараадалары, дипломнары ыллылар.
Үһүс миэстэҕэ Кутана орто оскуолатын хамаандата таҕыста, иккис — Бордоҥ орто оскуолатын хамаандата. «Зарница 2.0» кыайыылааҕынан Сиэйэ орто оскуолатын хамаандата буолла. Тэрээһин үөрэнээччилэри доҕордоһууга, хамаанданан тыыны бөҕөргөтүүгэ уонна, биллэн турар, ийэ дойдуга бэриниилээх, бэрээдэктээх, эппиэтинэстээх буолууга улахан суолталаах.
Сунтаар улууһун үөрэҕин салалтата
Бүгүн, ахсынньы 28 күнүгэр, Саха сирин сорох улуустарыгар хаар түһэр, күүстээх тыал түһэр. Саамай дьиктитэ…
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…