Хаартыска: ааптар түһэриилэрэ
Үс күннээх бэстибээлгэ саҥа саҕалыыр уонна хайыы үйэ идэтийбит аниматордар өрөспүүбүлүкэ улуустарыттан 100-чэ буолан муһуннулар. Тэрээһиннэр икки былаһааккаҕа – “Үлэ кыбартаала” креативнай кластерга уонна “Дохсун” успуорт комплексыгар буолаллар.
“Саха” Национальнай көрдөрөрөр-иһитиннэрэр хампаанньа генеральнай дириэктэрэ Олег Марков иһитиннэрбитинэн, өрөспүүбүлүкэҕэ анимациянан дьарыктаныан баҕалаах оҕолор ахсааннара сылтан сыл аайы эбиллэн иһэр. Маннык тэрээһиннэр уонна саха тэлэбидиэнньэтин “Тооку” ханаалын көмөтүнэн оҕо анимацията өссө да сайдар кэскиллээх.
Бэстибээли сүрүн тэрийээччинэн “Саха” НКИХ “Тооку” оҕо ханаала буолар. “Тооку” хампаанньа “Тооку”, “Имана: хотугу фея мүччүргэннээх түгэннэрэ” уонна “Айтал уонна аптаах күүс” мультипликационнай сэрийээллэринэн, Арассыыйа 1000-ча мультипликационнай киинэлэрин тылбааһынан уо.д.а. биллэр.
Бэстибээл “Үүнэр көлүөнэ пааркатын” өйөбүлүнэн ыытыллар.
Бүгүн, алтынньы 17 күнүгэр, “Үлэ кыбартаалыгар” бэстибээли үөрүүлээхтик аһыы сиэрэ-туома ыытылынна. Бэстибээл кыттыылаахтарын СӨ Судаарыстыбаннай Мунньаҕын (Ил Түмэн) бэрэссэдээтэлин солбуйааччы Александр Жирков эҕэрдэлээтэ.
Бэстибээл кэмигэр саҥа бырайыактары сүрэхтиэхтэрэ, анимация инникитин туһунан кэпсэтиэхтэрэ, эдэр исписэлиистэргэ уонна үөрэнээччилэргэ анаан маастар-кылаастар буолуохтара. “Мультипарк” куонкурус түмүгүн таһаарыахтара уонна “Тооку” оҕо ханаалын айар куонкуруһун кыайыылаахтарын быһаарыахтара.
Дьүкээбил туһунан төһө билэҕитий? Дьүкээбил -- айылҕа дьикти уонна ураты көстүүтэ. Дьүкээбил биһиги планетабытыттан сүүстэн…
"Аҕа дойдуну көмүскээччилэр" пуонда филиала байыаннай дьайыы бэтэрээнэ Юлиан Смогайлов "Транснефть-Восток" бөдөҥ бырамыысыланнай хампаанньаҕа үлэҕэ…
Бу күннэргэ саамай кылгас, хараҥа, тымныы күннэр тураллар. Аҕыйах хонон баран, күммүт кутуйах хаамыытынан уһаан…
Ахсынньы 19 күнүгэр түүн Дьокуускай куоракка Ленин проспегар турар дьиэ биир кыбартыыратыгар уот турбут. Буруонан…
Арассыыйа Бэрэсидьиэнин Владимир Путин быһа лииньийэни кытта холбоһуктаах улахан пресс-кэмпириэнсийэтэ Москваҕа Гостинай дворга буолуоҕа. Бу…
Кэлэн иһэр саргылаах Саҥа дьылынан ытык-мааны сахам дьоно! Уһук хоту дьааҥы үрэх үрдүгэр турар Усуйаана…