Толбоннурар уһун суһуох Туймаада ыһыаҕар

Толбоннурар уһун суһуох устар өрүс омук салгыытын бэлиэтэ, күүстээх хааннаах олук охсор олох төрдө, өйдөөх кыыс оҕо баттаҕа. Туймаада ыһыаҕар «Сайылык» түһүлгэтигэр «Кыыс оҕо баттаҕа – омук анала» курэх буолан ааста. Куйааһы куйаас диэбэккэ күрэххэ 4 – 13 саастаах кыргыттар ус бөлөххө арахсан кыттыыны ыллылар.

Уопсайа 4-6 саастарыгар диэри алта кырачаан кыыс кытынна. Саамай кырачаан кыттааччы – 2,5 саастаах. 7-9 саастарыгар диэри — 13 кыттааччы, 10 – 14 саастаахтарга 13 кыыс кыттыыны ыла кэлбиттэр.

Кыргыттар бары биирдии-биирдии кыралаан бэйэлэрин тустарынан кэпсээтилэр, бары бырааһынньыкка киэргэнэн сахалыы таҥастаах кэлбиттэр. Кырачаан кыргыттар уһун суһуохтарын харыстаан өссө да уһата, харайа, харыстыы сырыттыннар. Уһун суһуох – кыыс оҕо киэргэлэ.

Ааптар: Нарыйаана Ушатова