Хаартыска: А.Сорокин (ЯСИА)
Ил Дархан Айсен Николаев Алдан улууһугар оробуочай сырыытын кэмигэр Томмот куоракка 75 миэстэлээх оҕо саҥа уһуйаанын тутуу хаамыытын билистэ.
Саҥа эбийиэк инвестор уонна генеральнай бэдэрээччит, “АК ЖДЯ” АУо бүддьүөтү таһынан үбүн суотугар тутуллар. Тутууну сыл бүтүөр диэри түмүктүөхтээхтэр. 2 729,94 кв. м уопсай иэннээх эбийиэк 95% бэлэм. Томмот олохтоохторо саҥа уһуйаан баар буоларын күүппүттэрэ быданнаата. Тоҕо диэтэххэ, “Черемушка” уһуйаан 1960 уонна 1988 сылларга тутуллубут эргэ дьиэлэрэ аныгы ирдэбиллэргэ уонна оҕоҕо сөптөөх усулуобуйаҕа эппиэттээбэттэр.
“Сотору кэминэн кырачааннар сайдалларыгар хаачыстыбалаах усулуобуйалаах сырдык, куттала суох уонна аныгы тэриллэринэн толору хааччыллыбыт дьиэҕэ киириэхтэрэ”, — диэн Айсен Николаев бэлиэтээн эттэ.
Эбийиэк Алдан улууһа 2030 сылга диэри сайдыытын туһунан Саха сирин баһылыгын ыйааҕынан тутуллар. Бу докумуон быһыытынан үөрэх 13 эбийиэгэ, ол иһигэр Томмокко оҕо саҥа уһуйаана, саҥардыллыахтаах уонна тутуллуохтаах. 2025 сылга өрөспүүбүлүкэҕэ үөрэх инфраструктуратын сайыннарыы бырагырааматын чэрчитинэн, үөрэх 9 эбийиэгин тутуу былааннанар. Ол иһигэр 1446 миэстэоээх 5 оскуоланы уонна 340 миэстэлээх 2 уһуйааны, успуорт саалатын уонна “Илгэ” чэбдигирдэр лааҕыры.
Ону таһынан, РФ бэрэсидьиэнэ Владимир Путин көҕүлээбит “Дьиэ кэргэн” уонна “Ыччат уонна оҕолор” национальнай бырайыактарын чэрчилэринэн, 2025 сылга Дьокуускайга үөрэх биэс эбийиэгин бырайыактааһын саҕаланыаҕа.
СӨ Ил Дарханын уонна бырабыыталыстыбатын пресс-сулууспата
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…
Неонатолог быраастар кэмин иннинэ күн сирин көрбүт кырачааннар олохторун быыһыырга сүрүн оруолу ылаллар. Кинилэртэн биирдэстэрэ…
— Өскөтүн иккилээх оҕом сайдыытыгар хаалыылаах дии санаатахпына, ханна баран сүбэ-ама ылыахпын сөбүй? Саастыылаахтарын кытта тэҥнээн…