Томмокко сымыыт саҕа тобурах түстэ

От ыйын 17 күнүгэр Алдан оройуонун Томмот бөһүөлэгэр сымыыт саҕа тобурах түстэ.

Бастаан ардах түспүт, онтон тобурахтаан барбыт. Ардахха баттаппыт дьон онно-манна куотан киирэн, хорҕойбуттар. Тобурах, хойдон, бөдөҥөөн киирэн барбыт, тыаһа ытыалаан эрэр курдук, сүрдээх үһү.

«Алдан онлайн» телеграм-ханаал сурутааччылара хаартыскаларын, видеоларын ыыппыттар. «Дьэ, от ыйыгар сайыммыт  биһиэхэ бу курдук», — диэн санааларын үллэстэллэр. Сорох тобурах куурусса сымыытын саҕа эбит.

Бөдөҥ тобурах үүнээйигэ, аһаҕас халлаан анныгар сылдьар кыылга-сүөлгэ, киһиэхэ, бэл, тутууларга, массыынаҕа кутталлаах, тобулу түһэн кэбиһиэн сөп.