Томмот куоракка киирэн дьону куттаабыт тыатааҕыны өлөрдүлэр

Чэппиэргэ, алтынньы 3 күнүгэр, сарсыарда 06:30 чааска булчуттар Томмот куорат олохтоохторун куттаабыт  тыатааҕыны бултааһыҥҥа ситиһиилээх эпэрээссийэни ыыттылар диэн «Магистраль» араадьыйа иһитиннэрдэ.

Бу күннэргэ тыатааҕы куорат иһигэр киирэн дьону-сэргэни куттаабыт, олбуор иһигэр турар ыты тардыбыт. Ол туһунан туһааннаах сулууспаларга олохтоохтор суһаллык тыллаабыттар. Алтынньы 2 күнүгэр киэһэ тыатааҕы сөбүлээн сылдьар сиринэн булчуттар кэтэбил олохтообуттар уонна сарсыарда алтынньы 3 күнүгэр тыатааҕыны өлөрбүттэр.