Тэрилтэттэн аһылыгы уонна бэнсиини уорууга уорбаланар

Арассыыйа ИДьМ Алдан оройуонугар отделын холуобунай ирдэбилин үлэһиттэрэ тэрилтэттэн 254 тыһ солкуобайдаах малы-салы уорууга уорбаланар  Томмот олохтооҕо, 38 саастаах дьахтары туттулар.

Бу дьахтар тустаах тэрилтэҕэ үлэлиир эбит. Кини тэрилтэ бородууктаны уонна бэнсиини тиэрдиэхтээх учаастагар үлэлээбит. Ол эрээри суол суоҕунан таһаҕаһы кини билэр киһитин гарааһыгар хаалларбыттар. Бу тэрилтэҕэ салгыы үлэлиир санаата суох буолан, дьахтар харайыыга ууруллубут таһаҕаһы уоран ыларга санаммыт. Онон доҕотторун кытта хас да ый устата бу бородууктанан аһаабыттар, оттон билэр киһитин гарааһыгар таһаҕаһы тиэрдибитин иһин бэнсиининэн төлөспүт.

Хата, дьахтар оҥорбут буруйун билиммит, таһаарбыт хоромньутун толору кээмэйинэн төлүүргэ эрэннэрбит.

Киниэхэ РФ Холуобунай Кодексын 158 ыст. 1 ч. холуобунай дьыала тэриллибит.

СӨ ИДьМ саайтыттан