Томмот олохтоохторугар Саха сирин Бырабыыталыстыбатын отчуота буолла

Алдан оройуонугар Томмот олохтоохторо СӨ Бырабыыталыстыбатын бэрэссэдээтэлэ Кирилл Бычков салайааччылаах бырабыыталыстыба оробуочай бөлөҕүн көрүстүлэр. Куорат олохтоохторо социальнай суолталаах эбийиэктэри тутуу боппуруостарын туруорустулар.

СӨ Бырабыыталыстыбатын нэһилиэнньэҕэ 2023 сыллааҕы отчуотугар Томмот сайдыытыгар сабыдыаллыыр успуорт саалата, оҕо уһуйаана, о.д.а. атын социальнай суолталаах эбийиэктэри тутуу боппуруостара көтөҕүлүннүлэр. Ону сэргэ томмоттору уу эбийиэктэрин киртийиитин кыһалҕалара долгутар.

Маны таһынан куорат олохтоохтор биир тутаах боппуруостарынан уу ситимин тупсарыыны, суолу тутууну, тупсарыныы үлэлэрин, ону тэҥэ хаарбах уонна саахалланар туруктаах дьиэлэртэн көһөрүүнү туруорустулар. Сорох боппуруостарга быһаарыы тутатына ылылынна.

Санатан эттэххэ, бырабыыталыстыба отчуота уонна олохтоохтор миниистирдэри, атын эппиэттээх сирэйдэри кытта көрсүһүүлэрэ – бу Саха сиригэр олоххо киирбит ураты көрүҥ. Эспиэрдэр бэлиэтииллэринэн, маннык көрсүһүүлэр үрдүкү салалта уонна хас биирдии киһи икки ардыларыгар сыһыаннарын күүһүрдэр. Хас биирдии киһи чопчу ыйытык биэрэригэр уонна суһаллык хоруй ыларыгар кыах үөскэтэр.

Бэлиэтээн эттэххэ, Арассыыйа Бэрэсидьиэнэ Владимир Путин былаас аһаҕас уонна дьэҥкэ буоларын хас да төгүл бэлиэтээбитэ — бу салалта судаарыстыбаннай салайыытын ситимин көдьүүһүн көрдөрүүтэ.