Хаартыска: Елена Потоцкая.
Норуот маастарын күнүн түмүгүн таһаарыыга бу бэлиэ күн дьону түмэр уонна сомоҕолуур бырааһынньыгынан буоларын бэлиэтээтилэр.
Суолталаах тэрээһиҥҥэ бу маннык сыанабылы биэрэн туран, култуура уонна духуобунай сайдыы миниистирин бастакы солбуйааччы Мария Турантаева бэйэтин санаатын маннык тиэртэ:
— Норуот маастарын күнүн чэрчитинэн үс күн устата ыытыллыбыт араас тэрээһиҥҥэ 15 000 тахса киһи сырытта. 13 000 тахса киһини Өксөкүлээх Өлөксөй аатынан Норуоттар доҕордоһууларын дьиэтигэр буолбут “Якутия мастеровая” быыстапка түмтэ. Тэрээһиҥҥэ өрөспүүбүлүкэ отучча улууһуттан кэлэн үгүс маастар кытынна.
Араас улуус бэрэстэбиитэллэрин үлэлэрин көрөн баран, бастыҥтан бастыҥҥа Махтал суруктары, бэлиэ өйдөбүнньүктэри туттардылар.
“СӨ норуот уус-уран оҥоһугун маастара” бочуоттаах аакка бэйэлэрин улуустарыгар чаҕылхай үлэлэринэн биллибит маастардар ааттаннылар. Кинилэр ортолоругар Леонид Солкин (Алдан оройуона), Евдокия Антипина (Хаҥалас улууһа), Варвара Соловьева (Амма улууһа) уо.д.а. бааллар.
2023 сыллаахха Дьокуускайга ыытыллыбыт “Аҕа күрэҕэ” өрөспүүбүлүкэтээҕи куонкурус кыайыылааҕын Леонид Солкины кытта “Якутия мастеровая” быыстапка бастакы күнүгэр көрсөн кэпсэппитим. Кэпсэтиибит “хаһааҥҥыттан уһанар буолбуккунуй?” диэн ыйытыыттан саҕаламмыта.
— “Якутия мастеровая” быыстапкаҕа быйыл иккис кэлиим. Былырыын сылдьан баран, олус интэриэһиргээбитим. Дьонум Алдан оройуонугар 60-с сылларга олохсуйа кэлбиттэр. Мин Томмокко төрөөбүт буолан, Саха сирэ – төрөөбүт дойдум. Ол да иһин сахалыы эйгэҕэ ордук чугаспын. Быыстапка үлэлэрин кытта билсэн баран, олоҥхонон үлүһүйбүтүм. Аал Луук Маһы кэрэхсээбитим. Төрөөбүт дойдубут Саха сирэ ааттыын да “Олоҥхо дойдута” буоллаҕа.
Тимиринэн уһаммытым 10-сыла. Бастаан маһынан уһана сылдьан баран, тимиргэ көспүтүм. Былырыын уһанар дьиэ туттубутум. Онно уолум табаарыстара эрэ буолбакка, 7-15 саастаах оҕолор кытта сылдьаллар. Онон баҕалаах оҕолор миэхэ кэлэн тимиринэн уһанарга үөрэнэллэр. Уопсайынан, ким баҕалаахха ааным аһаҕас буолан, кэлиҥҥи кэмҥэ уһаныан баҕалаах киһи элбээтэ.
Дьэ, итинник олоххо көхтөөх, биир дойдулаахтарын – эдэриттэн эмэнигэр диэри тимиринэн уһанарга уһуйа сылдьар Леонид Солкин “СӨ норуот уус-уран оҥоһугун маастара” бочуоттаах аакка тиксиэхтээх киһи тигистэ.
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…
Бүгүн байыаннай-бэлитиичэскэй үлэҕэ Илиҥҥи байыаннай уокурук сэриилэрин командующайын солбуйааччы Роман Грековы кытта СӨ премьер-миниистирэ Кирилл…
Сэтинньи 12-22 күннэригэр Былатыан Ойуунускай аатынан Саха театра 120 айар дьылын чэрчитинэн Волга өрүс кытылыгар…
Быстах кэмҥэ үлэлээбэккэ олоруу иһин босуобуйа муҥутуур үрдүк кээмэйэ күҥҥэ 5700 солк. кэриҥэ диэн Судаарыстьыбаннай…
Ил Түмэн Бэрэссэдээтэлэ Алексей Еремеев бүгүн Нам сэлиэнньэтигэр оробуочай сырыынан тиийдэ. Үлэ сүрүн соруга –…
Мас-рестлиҥҥэ Арассыыйа сүүмэрдэммит хамаандатын састааба билиннэ. Бу туһунан Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрдэ.…