Томпо оройуонугар суол саахалыгар икки киһи эмсэҕэлээбит

«Халыма» суол 591-с километрыгар Томпо оройуонугар таһаҕас тиэйэр КамАЗ массыына түҥнэстибит.

Суол саахалыгар икки киһи эмсэҕэлээбит — суоппар уонна пассажир, диэн Саха сиринээҕи Госавтоинспекция пресс-сулууспатыгар иһитиннэрдилэр. Суол алдьархайа «Черный прижим» диэн биллэр трасса кутталлаах учаастагар тахсыбыт. 45 саастаах массыына суоппара суолтан туораан, хайа очуостарыгар тиийэн сааллыбыт.

Саахалга суоппар уонна 33 саастаах пассажир эчэйбиттэр. Кинилэри араас эчэйиилээх балыыһаҕа киллэрбиттэр. Саахал чахчытынан бэрэбиэркэ ыытыллар.