Хаартысканы Яна Байгожаева тиксэрдэ.
Томпо улууһун 1-кы №-дээх хамаандата СӨ табаһыттарын сийиэһин чэрчитинэн ыытыллыбыт төрүт көрүҥнэргэ күрэхтэһиигэ иккис миэстэни ылан, норуот дьокутаата Виктор Лебедевтэн УАЗ Фермер массыынаны бириис тутта. Биир дойдулаахтара бирииһи тутан олуһун үөрдүлэр, махтаннылар.
«Бу биһиги хамаандабытыгар улахан чиэс буолар, бастаабыт Эбээн Бытантай табаһыттарын хамаандатыттан 1 баалынан хааллыбыт. УАЗ Фермер массыына биһиги үлэбитигэр да, күннээҕи олохпутугар да туһалаах буоллаҕа. Биллэн турар, күрэхтэһиигэ бэлэмнэммиппит, кыайыыга дьулуспуппут. Кыттааччылар бары маладьыастар, куонкурустарга уонна кэнсиэрдэргэ кыра оҕотугар тиийэ кытыннылар. Биир дойдулаахпытыттан маннык бирииһи тутан икки бүк үөрдүбүт», — диэн «Томпо» СПК-тын дириэктэрэ Анатолий Тарабукин бэлиэтиир. Кини кэпсээбитинэн, киин куоракка 700 км уҥуордаан 15 табаһыт кэлбит. Бары Тополинай бөһүөлэгиттэн сылдьаллар. 1-кы №-дээх хамаанданы Варвара, Дмитрий Стручковтар, Григорий Баишев билиһиннэрбиттэр.
Бэлиэтээн суруйдахха, Виктор Лебедев таба иитиитинэн дьарыктанар дьиэ кэргэҥҥэ улааппыта, онон бу олус суолталаах уонна бэлиэ түгэн буолар. Виктор Николаевич үгэстэри, көлүөнэ ситимнэһиилэрин, култууралары харыстааһыҥҥа туһуланар бырайыактары куруук өйүүр. Икки сыллааҕыта кини «Көс ыал» өрөспүүбүлүкэтээҕи куонкурус кыайыылаахтарыгар бириис быһыытынан бэйэтиттэн 1 мөл.солк. туттарбыта.
Быйыл Виктор Лебедев туруорбут бирииһин аҕата, табаһыт Николай Христофорович Лебедев туттарда. «Лиидэрдэр хамаандаларыгар кимнээх киирэллэрэ эрдэттэн биллибэт этэ. Түмүктэртэн олуһун диэн үөрдүбүт», —диир кини.
Бу бириис күрэхтэһии биир сыаналаах бириистэриттэн буолла. Манна «АЛРОСА» хампаанньаттан «Урал-вахтовканы» Эбээн Бытантай 1-кы хамаандата уонна Тыа хаһаайыстыбатын министиэристибэтиттэн «Бурааны» Эбээн Бытантай 3-с хамаандата ылары ситистилэр.
Яна Байгожаева.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…