Хаартыска СӨ Баһылыгын уонна Бырабыыталыстыбатын пресс-сулууспатыттан
Быйыл Томпо улууһугар «Яна» айан суолун 188-с км учаастагын «Халыма» федеральнай тыраассаттан саҕалаан Тополинай сэлиэнньэтигэр диэри кытаанахтык бүрүөһүнүнэн сабыахтара.
Кэнники сылларга бу муниципальнай оройуоҥҥа 142 км тахса суол өрөмүөннэммитэ, быйыл хаалбыт 45,47 км оҥоруохтара диэн СӨ массыына суолларын салалтата иһитиннэрэр.
Суолу өрөмүөннээһин РФ Бэрэсидьиэнэ Владимир Путин көҕүлээбит «Куттала суох уонна хаачыстыбалаах суол» национальнай бырайыак чэрчитинэн ыытыллар. Итиниэхэ бүддьүөттэн 866 мөл. солк. көрүллүбүт. Чуолаан, 179,4 мөл. солк. Ольчан өрүһү туоруур тутууга 50 погоннай миэтэрэ кэриҥэ уһуннаах күргэни тутууга көрүллүбүт.
«Яна» айан суолун муостатын саҥардыы дойду хотугулуу-илиҥҥи өттүн уонна Саха сирин сайдыытыгар сүҥкэн социальнай-экэнэмиичэскэй суолталаах. Итинэн Дьааҥы уонна Усуйаана улуустарын аһынан-үөлүнэн уонна бырамыысыланнай бородууксуйанан, ону тэҥэ «Прогноз» көмүс-полиметал саппаастаах сирдэри баһылааһыҥҥа эбийиэктэри хааччыйарга туһаныллыа.
Эрдэ бу суолунан Томпо улууһугар икки тутуу: Мөҥкүлү өрүһү туоруур 326 миэтэрэлээх уонна Томпорук өрүһү туоруур 36 миэтэрэлээх күргэлэр тутуллубуттар.
Уопсайынан, өрөспүүбүлүкэ үрдүнэн 2024 сылга национальнай бырайыак чэрчитинэн 150 км эрэгийиэннээҕи суолталаах айан суолун өрөмүөннэниэ уонна Ольчан өрүһү туоруур үс күргэ тутуллуоҕа диэн СӨ Баһылыгын уонна Бырабыыталыстыбатын дьаһалтатын пресс-сулууспата иһитиннэрэр.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…