Томпо улууһун Кириэс Халдьаайытыгар саҥа хочуолунайы үлэҕэ киллэриэхтэрэ

Томпо улууһун Кириэс Халдьаайытыгар 8МВт кыамталаах “Кириэс Халдьаайы — 1” диэн саҥа механизированнай хочуолунайы тутуу түмүктэнэн эрэр. 2024 сылга “ОДьКХ” ГУП өрөспүүбүлүкэҕэ 8 саҥа хочуолунайы киллэрэр былааннаах диэн тэрилтэ пресс-сулууспата иһитиннэрэр.

“Кириэс Халдьаайы — 1” хочуолунай бу сыл балаҕан ыйын 1 күнүгэр үлэлиэҕэ, күн бүгүн тутуутун бэлэмэ 95%.

Саҥа хочуолунай олохтоохтору кииннэммит итиигэ холбоноллоругар кыах биэрэр. Манна оскуола, уһуйаан, успуорт саалата, бэтэринээр дьиэтэ, хаарбах туруктаах дьиэлэртэн көһөрүү бырагырааматынан тутулла турар 186 чааһынай уонна элбэх кыбартыыралаах дьиэлэр холбонуохтара, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.