Томпо уола Малахов биэриитигэр кыттыаҕа

«Арассыыйа» ханаалга көстөр Андрей Малахов ыытар «Привет, Андрей!» диэн биэриигэ Томпо уола Петр Погодаев кыттыаҕа. Эпиир бүгүн, ахсынньы 2 күнүгэр, көстүөҕэ. Ол туһунан «Томпонский вестник» хаһыат иһитиннэрэр.

Петр Погодаев Виктор Цой уонна «Кино» бөлөх ырыаларын үкчүтүк толорорунан биллэр музыкант буолар. Кини Томпо улууһун Тополинай сэлиэнньэтиттэн сылдьар. Удьуор табаһыт Погодаевтар дьиэ кэргэннэрин уола буолар.