Томпоҕо атыыһыт маҕаһыынтан таҥас уорууга уорбаланар

Томпо улууһун отделын дьуһуурунай чааһыгар ас-үөл маҕаһыынын бэрэстэбиитэлиттэн табаар уоруллубутун туһунан сайабылыанньа киирбит.  Уопсай хоромньу  суумата 16 000 солк. куоһарбыт. Бу туһунан СӨ ИДьМ пресс-сулууспата иһитиннэрэр.

Көрдүүр тэрээһиннэр түмүктэринэн, холуобунай ирдэбил үлэһиттэрэ уорууга бу эргиэн туочукатыгар үлэлиир 29 саастаах атыыһыт дьахтар сыһыаннааҕын быһаардылар. Силиэстийэнэн быһаарыллыбытынан, уорбаланааччы бэйэтин үлэтин күнүгэр успуорт таҥаһын, футболканы, үс  кроссовканы уонна чешкалары уорбут.

РФ Холуобунай кодексатын 158-с ыстатыйатын 1-кы чааһынан («Уоруу») холуобунай дьыала тэрилиннэ. Бу ыстатыйанан буруйдаах 2 сылга диэри көҥүлү быһыллар.