Томпоҕо бөрөнү бултаатылар

Адьырҕа кыыллартан бөрөнү бултуур олус уустук. Бөрөлөр дьиэ кыылын тардаллар, атын бултанар кыыллары да аҕыйаталлар.

Иллэрээ күн Томпо оройуонугар Алдан өрүскэ булчуттар бөрөнү бултаатылар. Ол курдук, кинилэр бу адьырҕаны түөрт күнү быһа сонордостулар. Мэҥэ Алдан уонна Саһыл булчуттара эмиэ бэйэлэрин баҕаларынан кыттыстылар. Бөрөһүттэр биригээдэлэрин уопуттаах булчут, Томпотооҕу экологияны кэтээн көрүүгэ иниспиэксийэтин штаты таһынан уопсастыбаннай иниспиэктэрэ Николай Захаров салайда.

СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин үлэһиттэрэ Николай Яковлев уонна Виктор Кучеров эмиэ бөрөнү бултааһыҥҥа быһаччы кытыннылар.