Томпоҕо «Лидер Плюс» салайар хампаанньа ыстарааптанна

Саха Сирин Үрдүкү суута «Лидер Плюс» салайар хампаанньа ааһыныытын көрөн баран, Томпо улууһун оройуоннаҕы суутун быһаарыытын уларыйыыта суох хаалларарга быһаарда.

Томпо оройуоннаҕы суута бу саас «Лидер Плюс» хампаанньаны 1 201 473 солкуобайы “Томпо национальнай (эбээн) нэһилиэгэ” тэриллиигэ төлүүрүгэр уураахтаабыта. 2023 сыл кулун тутар 21 күнүгэр экологическай кэтэбил рейдэтин кэмигэр Тополинай сэлиэнньэҕэ канализация уута халыйа сытарын бэлиэҕэ ылбыта. Туттуллубут ууну мунньар иһит аһары туолан, 21м*32,6м иэннээх тулалыыр сир кирдээх уунан буортуламмыт. Бу быһылаан буруйдааҕынан «Лидер Плюс» хампаанньа буолара чахчыланан боротокуолламмыт, КоАП 8.6 ыстатыйатын 2 чааһынан буруйга тардыллыбыт.

Эппиэккэ тардыллыбыт хампаанньа оройуоннаҕы суут бириигэбэрин сөптөөҕүнэн аахпакка үрдүкү сукка ааһыммыт эрээри, Саха Сирин Үрдүкү суутун коллегията оройуон суутун быһаарыытын сөптөөҕүнэн ааҕан, бириигэбэри уларытыыта суох хаалларбыт.