Томпоҕо улахан уот бохсулунна
02.07.2024, 13:40
Хаартыска: СӨ Быыһыыр сулууспа, "Томпонский вестник".
Бөлөххө киир:
Томпо улууһугар 112 676 гектарга тарҕаммыт улахан ойуур баһаара бохсулунна, диэн иһитиннэрдэ СӨ Экологияҕа министиэристибэтэ.
Хаандыга бөһүөлэгин уонна Теплай Ключ нэһилиэгин икки ардыгар 112 тыһ. тахса гектардаах сиргэ улахан ойуур баһаара күүдэпчилэнэ турбута. Уоту тохтотоору Хаандыгаттан 14 километрдаах сиртэн Томпо өрүһүгэр диэри утары уот ыыппыттара. Билигин уот тарҕанан бара турара тохтоото. Үс бөлөх: быыһыыр сулууспа, “Авиалесоохрана” үлэһиттэрэ уонна экологтар, барыта 126 киһи умулларардыы киирсэ сылдьаллар.
Маны тэҥэ Алдан, Дьааҥы, Ленскэй, Өлүөхүмэ, Уус Маайа оройуоннарыгар, уопсайа 116 тыһ. га сиргэ ойуур баһаардара бохсулуннулар.
+1
1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: