Андрей Сорокин хаартыската
Ил Дархан Айсен Николаев бүгүн, балаҕан ыйын 7 күнүгэр, Томпо улууһугар үрүҥ көмүһү-полиметаллары оҥорор «Үөһээ Мэҥкэчэ» байытар фабриканы үөрүүлээх быһыыга-майгыга аста.
Тэрээһиҥҥэ видеоконференц сибээһинэн СӨ Бырабыыталыстыбатын Бэрэссэдээтэлин бастакы солбуйааччы Кирилл Бычков уонна бырамыысыланнас уонна геология миниистирэ Максим Терещенко кытыннылар.
Бу туһунан СӨ Баһылыгын уонна бырабыыталыстыбатын пресс-сулууспата иһитиннэрэр. Фабрикаҕа үлэни Саха сирин судаарыстыбаннай сүбэһитэ Вячеслав Штыров, Томпо улууһун баһылыга Яков Степанов уонна «ГеоПроМайнинг» бөлөҕүн бэрэсидьиэнэ Роман Худолий саҕалаатылар.
«Бүгүн биһиги Саха сирин бырамыысыланнаһын устуоруйатыгар саҥа бэлиэ күнү аһабыт. Саҥа салааны үрүҥ көмүс-полиметал рудатын хостооһун уонна таҥастааһын баар буолла. Өрөспүүбүлүкэ салалтатын дьаныардаах үлэтинэн саҥа хайа хостуур комплекса баар буолла», — диэн Ил Дархан эттэ.
Айсен Николаев болҕомтотун бырайыак олоххо киириитигэр социальнай уонна экология өттүнэн куттал суох буолуутун боппуруостарыгар уурда. «Хайа байытар фабрика үлэҕэ киириитэ өрөспүүбүлүкэҕэ эбии 800 үлэ миэстэтин биэриэҕэ, ону таһынан өрөспүүбүлүкэ бүддьүөтүгэр үбү киллэриэҕэ», — диэн эбэн эттэ Айсен Николаев.
Оттон Роман Худолий: «Бүгүн бэлиэ күн буоларын, 500 тыһыынча туонна кыамталаах, 330 тыһыынча туоннаны оҥорон таһаарар кыахтаах байытар фабриканы үлэҕэ киллэрдибит», – диэн эттэ «ГеоПроМайнинг» бөлөх бэрэсидьиэнэ.
Бу фабрика Томпо улууһун сиригэр-уотугар баар, Хаандыгаттан 280 км тэйиччи сытар. Үөһээ Мэҥкэчэ сир баайдаах учаастак үрүҥ көмүһүн саппааһа – 1,934 тыһ. туонна, сибиниэһэ – 236 туонн, цинката – 190 туонна.
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…