Хаартыска -- Александр Долженков түһэриитэ
Бу күннэргэ Өймөкөөн улууһун Томтор нэһилиэгэр Олоҥхо ыһыаҕар бэлэмнэнии үлэтэ үгэннээн турдаҕына, «Өймөкөөн» өрөспүүбүлүкэтээҕи айан суолун «Наледнай» учаастагар Күбүмэ үрэх турбалары сууйан, муоста алдьанан, таһаҕас тиэйээччилэри, айанньыттары аҕыйах хонукка эрэйдии сырытта.
Олоҥхо ыһыаҕын дириэксийэтин салайааччыта Николай Обоюков: “Бэҕэһээ СӨ Тырааныспарын министиэристибэтин уонна айан суолларыгар управление эппиэттээх исписэлиистэрэ кэлэн, суол өрөмүөнүн быһаардылар. Онон алдьаммыт муоста өрөмүөннэнэн, уматыгы, тустаах таһаҕаһы таһыы сөргүтүллүөҕэ”, — диэн бу сарсыарда иһитиннэрбитэ.
Үлэ чааһа бүтүүтэ Томтор нэһилиэгин баһылыга Алексей Винокуров нэһилиэк олохтоохторугар үөрүүлээх сонуну тиэртэ:
— Бүгүн “Наледнай” учаастагын суола өрөмүөннэннэ.
Бэдэрээтчиттэр Томтор урбаанньыта Александр Долженковы кытта кэпсэтэн, суол өрөмүөнүн үлэтэ бүттэ.
Уматыгы тиэйэр массыына өрөмүөннэммит учаастагы, муостаны туораан, Томторго кэллэ. Агаякан муостатыгар киирии суолу эмиэ бөҕөргөтөн биэрдилэр.
Онон сырыы сөргүтүллэн, Томтор туһаайыытынан массыыналар айаннаатылар, үлэ-хамнас салгыы барар.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…