Хаартыска: sakha.gov.ru ылылынна
Бырабыыталыстыба отчуотугар томтордор авиабылаһааккаларын сөргүтүү боппуруоһа туруорулунна.
СӨ тырааныспарга уонна суол хаһаайыстыбатыгар миниистир Владимир Сивцев былаһаакка аһылыннаҕына, салгын аалынан оройуон иһинээҕи айан-сырыы олохтонуон сөптөөҕүн бэлиэтээтэ.
«Томторго авиабылаһаакканы сөргүтүү боппуруоһа турар. Оройуон дьаһалтатын кытта быйыл быһаары ыларбыт буолуо дии саныыбын«, — диэтэ кини.
Өймөкөөн улууһугар Уус -Ньараҕа аэропорду саҥалыы уларытан оҥоруу үлэтэ ыытыллыбыта. Бу Саха сиригэр «Комплексный план модернизации и расширения магистральной инфраструктуры» национальнай бырайыагынан 11-с аэропордунан буолбута.
Санатар буоллахха, Бырабыыталыстыба отчуота Өймөкөөн улууһугар олунньу 4 күнүттэн саҕаламмыта. Бөлөҕү СӨ тырааныспарга уонна суол хаһаайыстыбатыгар миниистир Владимир Сивцев салайар.
СӨ Бырабыыталыстыбатын отчуота кулун тутарга түмүктэниэхтээх. Маннык көрсүһүүлэргэ Саха сирин олохтоохторо биэрбит ыйытыыларыгар хоруйдары ылаллар. Отчуот түмүгүн «Саха» НКИХ ханаалларыгар көрдөрүөхтэрэ.
Кыраапыгы бу сигэнэн киирэн көрүөххүтүн сөп: https://www.sakha.gov.ru/news/front/view/id/3480409
СӨ Ил Дарханын уонна Бырабыыталыстыбатын пресс-сулууспата
Өрөспүүбүлүкэ борокуруора Сергей Дябкин СӨ Бэтэринээрийэ департаменын урукку салайааччытыгар тэриллибит холуобунай дьыаланан буруйдуур түмүгү бигэргэттэ.…
Ааспыт өрөбүл күннэргэ Дьокуускайга эчэйиитэ суох 15 суол быһылаана бэлиэтэннэ. Бу туһунан киин куорат ГАИ…
2025 сылга араас таһымнаах быыбардарга байыаннай дьайыы 890 кыттыылааҕа мандааттаах туппут. Бу туһунан «Биир ньыгыл…
Бүгүн, ахсынньы 16 күнүгэр, Дьокуускайга 1–8-с кылаас үөрэнээччилэригэр актированнай күн биллэрилиннэ. Бу туһунан киин куорат…
Cаха сирин синоптиктарын билгэлэринэн бүгүн, ахсынньы 16 күнүгэр, хоту оройуоннарынан хаардыыр. Эдьигээн улууһугар сөкүүндэҕэ 9-14…
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…