Хаартыска -- Мария Васильева
Быйыл кыһыҥҥы туризм бэстибээлин иитинэн ыытыллар «Тоҥ балык — 2023» күрэхтэһиигэ балыгы кыһарга 16 хамаанда кыттаары бэлэмнэнэр.
Тэрээһин сүрүн ирдэбилэ – эр киһи кыһар, дьахтар ону тэриэлкэҕэ тупсаҕайдык ууран дьүүллүүр сүбэҕэ тиксэрэр. Кыайыылааҕы түргэн бириэмэ быһаарар. Ахсынньы 3 күнүгэр Ю.А. Гагарин аатынан култуура уонна аныгы ускуустуба киинигэр ыытыллар кэрэхсэбиллээх күрэс үс сорудахтаах: дьиэтээҕи үлэ (сиикэй балыктан талбытынан бүлүүдэ), сүүмэрдиир түһүмэх уонна кыайыылааҕы быһаарар түгэн. Сүүмэрдээһин түмүгэр 6 хамаанда хаалан, бастыыр иһин киирсиэхтэрэ.
Быйылгы бириис — харчынан бириэмийэ кыттааччыларга салгыы сайдалларыгар туһалыаҕа. Ол курдук:
«Дьиэтээҕи үлэ» — 20 тыһыынча солкуобайдаах сэртипикээт;
«Түргэнник кыһыы» — 30 тыһыынча солкуобайдаах сэртипикээт;
«Кыһыы хаачыстыбата» — 40 тыһыынча солкуобайдаах сэртипикээт;
«Гран-при» — 50 тыһыынча солкуобайдаах сэртипикээт.
«Тоҥ балык-2023» буолар күнүгэр Ю.А. Гагарин аатынан култуура уонна аныгы ускуустуба киинин аттыгар тоҥ балык уонна эт арааһын атыытын дьаарбаҥката буолуоҕа. Маны таһынан, сир аһа эмиэ хото атыыланыаҕа.
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…