Тоҥ балык күрэһэр булуҥнар кыайдылар  

“Тоҥ балыгы кыһыы” күрэһэ быйыл Ю.А. Гагарин аатынан култуура уонна аныгы ускуустуба киинигэр буолла.

Күрэхтэһээччилэр 16 улуустан уонна киин куораттан кыттыбыт буоланнар, тэрээһин өрөспүүбүлүкэ таһымнанна. Кыайыылаах хамаанданан Булуҥ улууһун бэрэстэбиитэллэрэ буоллулар.

Кыттааччылар «Дьиэтээҕи үлэ» түһүмэххэ балыктан араас бүлүүдэни бэлэмнээбиттэрин дьүүлүүр сүбэҕэ тиксэрдилэр.

“Дьиэтээҕи үлэ” номинацияҕа — Гагарин уокуругун бэрэстэбиитэллэрэ бастаатылар. “Хаачыстыбалаахтык кыһыы” номинацияҕа — Сайсары уокуруга, “Түргэнник кыһыы” номинацияҕа Усуйаана улууһуттан кыттааччылар кыайыылаахтарынан ааттаннылар.

Тэрээһин туһунан сиһилии «Саха сирэ» хаһыат чэппиэрдээҕи нүөмэригэр ааҕыҥ.