«Саха» НКиХ
Төрдүс сылын анимация уонна дубляж устуудьуйалара үлэлиир «Тооку» оҕо телеханаала «Тооку уонна Чысхаан» диэн саҥа толору метражтаах ойуулук трейлерын билиһиннэрдэ.
Билиһиннэрии атырдьах ыйын 10 күнүгэр Дьокуускайга ыытыллыбыт Ykt Geek Fest 2025 норуот сэҥээриитин култууратын бэстибээлигэр буолла.
«Саха» НКиХ генеральнай дириэктэрэ Олег Марков иһитиннэрбитинэн, ойуулук быйыл ахсынньыга тахсыаҕа. Ойуулук сюжетын быһыытынан, Тооку кулунчук доҕотторун кытта кистэлэҥнээх сылыйыыттан кутталга киирбит кыһыны быыһыырга уонна тапталлаах кыһыҥҥы бырааһынньыктарын — Саҥа дьылы төнүннэрэргэ сүрдээх интэриэһинэй айаҥҥа туруналлар.
Толору метражтаах киинэ биир ааттаах телеханаал бастыҥ анимационнай бырайыага буолбут «Тооку» сериалын салгыыта буолуоҕа. Урут устуудьуйа өрөспүүбүлүкэ кырачаан көрөөччүлэригэр таптаппыт, билиигэ-көрүүгэ тардыһыылаах кулунчук мүччүргэннээх сырыыларын туһунан 40 бэйэ оҥоһук сиэрийэтин таһаарбыта. Ойуулук режиссера — Виктория Кейметинова; фон худуоһунньуга — Александра Сосина; худуоһунньук-аниматордар — Екатерина Христофорова, Арылхан Ноговицын, Аэлита Соколова. Ону таһынан, сыл бүтүүтэ «Имана: хотугу фея сырыылара» уонна «Айтал уонна аптаах күүс» диэн бэйэ оҥоһук сериалларын саҥа сиэрийэлэрэ тахсыахтара.
Ону кытта тэҥҥэ телеханаал дубляжтыыр устуудьуйата Арассыыйа биллиилээх сериалларын сахалыы саҥардыыга үлэлиир: «Цветняшки» (55 сиэрийэ), «Маша и Медведь» (78 сиэрийэ) уонна «Лео и Тиг» (52 сиэрийэ). 2022 сылтан устуудьуйа 1000-тан тахса дубляжтаммыт сиэрийэни таһаарда, ол иһигэр «Три кота», «Барбоскины», «Фиксики», «Малышарики», «Мимимишки» курдук бырайыактары, ону таһынан Соҕуруу Кэриэйэ «Пингвиненок Пороро» франшизатыттан икки толору метражтаах ойуулугу киллэрэн туран.
«Биһиги сорукпут — оҕолор уонна кинилэр төрөппүттэрин ортотугар саха тылын харыстааһын уонна киэҥник тарҕатыы, — диэн «Тооку» телеханаал продюсера Анна Кириллина бэлиэтээтэ. «Ону таһынан, өрөспүүбүлүкэ анимационнай устуудьуйаларын түмэр уонна саха анимациятын сайыннарар сыалтан биһиги сыл аайы TO:KU Fest бэстибээли ыытабыт. Быйыл бэстибээл алтынньы 16-18 кк. ыытыллыаҕа».
Бэйэ оҥоһук уонна дубляжтаммыт ойуулук сериаллары манна көрүөххэ сөп:
Саха тылын, литэрэтиирэтин, култууратын учууталларын өрөспүүбүлүкэтээҕи “Сайдыы” ассоциациятын салайааччытынан Мэҥэ Хаҥалас улууһун Тумул орто оскуолатын…
Кэнники биэс сыл иһигэр Дьокуускай куорат нэһилиэнньэтин ахсаана улаатта уонна прописката суох олорор гражданнары киллэрэн…
"Рядовой Чээрин" (режиссер Дмитрий Кольцов) киинэ билигин интэриниэт былаһааккаларга киэҥник тарҕанан дьон сэҥээриитин ылла. Бэл,…
Ахсынньыга "Тооку уонна Чысхаан" саҥа толору кээмэйдээх ойуулук улахан экрааҥҥа сүрэхтэниэҕэ. Бу туһунан "Саха" НКИХ…
Бүгүн Дьокуускайга РФ Бэрэсидьиэнин көмөлөһөөччүтэ Николай Патрушев салалтатынан Арассыыйа Арктическай эрэгийиэннэрин сайыннарарга, Трансарктическай тырааныспар суолун…
Бу бырааһынньык күннэрин көһөрүүнүнэн сибээстээх. Үлэ халандаарынан Арассыыйа олохтоохторун 2026 сылга сэттэ кылгатыллыбыт үлэ нэдиэлэтэ…