Хаартыска: ЯСИА
Ахсынньы 19 күнүгэр прокакка тахсыбыт «Тооку уонна Чысхаан» толору метражтаах ойуулук киинэ дьон сэҥээриитин ылла диэн «Экстра Синема» ситим пресс-сулууспата иһитиннэрэр.
Саамай кырачааннарга анаан бастакы сеанстар араас нэһилиэктэргэ буоллулар, ол иһигэр Чокуурдаахха, Токкоҕо, Намҥа, Дьиикимдэҕэ, Аһымаҕа, Павловскайга, Тыымпыга, Тааһаҕарга, Мырылаҕа, Улахан Күөлгэ, Эмискэ уонна Сардаҥаҕа.
2026 сыл тохсунньутугар ойуулугу Горнай, Бүлүү, Амма, Кэбээйи, Хаҥалас уонна Сунтаар улуустарын киинэ тыйаатырдара эмиэ көрдөрүөхтэрэ.
«Экстра Синема» ситим прокакка салаатын салайааччыта Николай Егоров сабаҕалыырынан, Саҥа дьыллааҕы уһун өрөбүллэр уонна көрөөччүлэр иллэҥ кэмнээхтэрэ элбэҕиттэн «Тооку уонна Чысхаан» ойуулук проката сайын тахсыбыт «Айтал уонна Аптаах Күүс» ойуулуктан ордук элбэх үбү-харчыны киллэриэн сөп.
«Анимация, тылбаас уонна дубляж устуудьуйата түөрт сыл үлэлээбитин кэннэ оҕолор төрөөбүт тылларынан элбэхтик кэпсэтэр буолбуттарын көрөбүт. Бу — биир санаанан үлэлээһин түмүгэ. Төрөөбүт тылынан анимацияны сайыннарарга көмөлөһөр уонна араас ханаалларынан тыл эйгэтин тэрийэр дьоҥҥо барыларыгар махтанабын. Биһигини кытта биһиги амбассадорбыт буолбут «Экстра Синема» хампаанньа ыкса үлэлиир. Аудиториябытыгар — оҕолорго уонна төрөппүттэргэ чугас буолар кыахпыт иһин махтал!», — диэн бырайыак продюсера Анна Кириллина бэлиэтиир.
Кини ону тэҥэ бырайыак хамаандатыгар, ол иһигэр сценарист Саргылаана Сандарга, композитор Николай Михеевка, муусука режиссердарыгар уонна дьоруойдары саҥарбыт артыыстарга махтанна.
«Тооку уонна Чысхаан» ойуулук «Экстра Синема» ситимигэр 2026 сыл тохсунньу 31 күнүгэр диэри көстүөҕэ.
Оҕо биллиилээх суруйааччыта Агния Барто төрөөбүтэ 120 сылын көрсө, Өлүөхүмэ улууһун Кыыллаах нэһилиэгэр кырачааннарга аналлаах…
Сытыйа байбыт баайдар, урбаанньыттар, улахан тойоттор Эпштейн диэн киһини кытта хайдах, туох дьаабыламмыттара биллэн эрэр.…
Ааспыт сылга спортсменнар ылбыт мэтээллэрэ -- 700. Саха сирин спортсменнара былырыын юниордар күрэхтэһиилэригэр 379 мэтээли…
Олунньу 15 күнүгэр Арчы дьиэтигэр Абый улууһун дьоно-сэргэтэ түмсэн оһуокайдаата. Манна Абый улууһуттан Дьокуускайга олорор…
Дойду федеральнай уокуруктарынан Нерюнгри куоракка кулун тутар 19-23 күннэригэр ыытыллар Арассыыйа чөмпүйэнээтигэр кыттарга сүүмэрдиир күрэхтэһиилэр…
Атамайга "Радуга" уһуйааҥҥа "Чобуо чуорааннар" бырайыак бэһис төгүлүн үрдүк таһымнаахтык ыытылынна. Бу уһуйаан иитиллээччилэригэр төрөөбүт…