Хаартыска: СӨ информационнай официальнай портала
Уһук Илини уонна Арктиканы сайыннарар корпорация (салгыы -КРДВ) урутаан сайдар сирдэргэ (ТОР) эбэтэр Владивосток көҥүл пуордугар (СПВ) резидент статуһун ылар туһугар сайаапканы онлайн биэрэр сиэрбиһигэр саҥаны киллэрдэ. КРДВ саайтыгар докумуоннары оҥорон ыытар интерфейс билигин КРДВ менеджерын өттүттэн инбиэстэр сайаапканы оҥороругар уонна сайаапка статуһа уларыйбытын туһунан иһитиннэриини тутарыгар көмөлөһөр кыаҕа эбиллэн биэрдэ.
“ТОР эбэтэр СПВ резиденын статуһун ылар туһугар КРДВ сиэрбиһинэн туһанарга инбиэстэр бэйэтин бырайыагын сүрүн дааннайдарын киллэрэр, систиэмэ эрдэттэн туһанааччыны тус бэйэтин кэбиниэтигэр регистрацияланарыгар этэр. Биисинэс былаана уонна сайаапка быһа оҥоһуллаллар, оттон сайаапканы биһирээбиттэрин кэннэ резидент статуһун иҥэрэр туһунан сөбүлэһиигэ илии баттаһыы тус бэйэтин кэбиниэтигэр оҥоһуллар, манна электроннай илии баттааһыны туһаналлар”, — диэн санатар КРДВ цифровой трансформацияҕа толорооччу дириэктэрэ Кирилл Берман.
“Резидент статуһун ылыыны судургутутар, уһук илиҥҥи, арктикатааҕы биисинэс үлэтин көдьүүстээх оҥорор уонна судаарыстыба өйөбүлүн ылар туһугар биһиги быыстала суох КРДВ электроннай сиэрбистэрин саҥардан иһэбит. Тиэхиньиичэскэй сыыһаттан-халтыттан ТОР эбэтэр СПВ резиденэ буоларга сайаапканы биэрии хат-хат киирэрин аччатар туһугар саҥа функциялары киллэрдибит. Ону таһынан бырайыагы арыаллыырга менеджергэ да, инбиэстэргэ да сайаапка статуһа уларыйбытын туһунан иһитиннэриини ыытыы үлэҕэ киирдэ. Иһитиннэрии электроннай буостаҕа кэлэр. КРДВ үлэһитэ саҥа сайаапкалар оҥоһуллан, бэрэбиэркэҕэ баралларын, инбиэстэртэн сайаапка көрүллүүтэ ханнык сүрүн түһүмэхтэринэн баран иһэрин түргэнник билэр. Оттон инбиэстэр сайаапката ханна көрүллэ сылдьарын, ону тэҥэ араас иһитиннэриилэри көрө-билэ сылдьар. 2024 сыл төрдүс кыбартаалыгар инбиэстэр өттүттэн сервис үлэтин сыаналааһыны киллэрэри былаанныыбыт”, — диэн кэпсээтэ Кирилл Берман.
КРДВ инбиэстийэлиир бырайыактарын арыаллыырга генеральнай дириэктэри солбуйааччы Сергей Скалий эппитинэн, саҥа инструменнар Уһук Илиҥҥэ уонна Арктикаҕа үлэлиэн баҕарар урбаанньыттар саҥа бырайыактарын олоххо киллэрэллэригэр көмөлөһүөхтэрэ. КРДВ онлайн-сиэрбистэрин көдьүүһэ улааппытынан, судаарыстыбаннай өйөбүлү биисинэс туһаныыта эмиэ судуругутуйбутун тоһоҕолоон бэлиэтээтэ, диэн иһитиннэрэр СӨ информационнай официальнай портала.
ИДьМ Мииринэйдээҕи отделын дьуһуурунай чааһыгар Таас Үрэх аттыгар баар ньиэби хостуур сиртэн биллибэт дьон аҕыс…
Саха сиригэр суоппар суолга оҕолордоох эһэни көрөн, видеоҕа устубут. Бу туһунан "Охота и рыбалка в…
Бүгүн, муус устар 30 күнүгэр, Саха сирин сорох улуустарыгар +14 кыраадыс буолара күүтүллэр диэн УГМС…
Байыаннай дьайыы саҕаланыаҕыттан Мариуполь куоракка олорон биир дойдулаах байыастарбытыгар көмөлөһөр Мария Григорьевна Алексеева-Алгысчыт Арчыына Сахатын…
Бүгүн Дьокуускай куорат Н.О. Кривошапкин аатынан 5-с №-дээх орто оскуолатын иитэр үлэҕэ уонна оҕо уопсастыбаннай…
Ньурба улууһун олохтооҕо Гаврил Сидоров бэйэтин автосервиһыгар биир дойдулаахтарын массыыналарын өрөмүөннүүр. Байыаннай дьайыы кыттыылааҕа, бойобуой…