Хаартыска: sakha.gov.ru ылылынна
Урутаан сайдыы сирин-уотун (ТОР) уонна эрэгийиэннээҕи инвестиция бырайыактарын (РИП) резиденнэрэ өрөспүүбүлүкэ экэниэмикэтигэр бырайыактары олоххо киллэрии кэмигэр 228 млрд инвестицияны тартылар, 18 тыһыынча үлэ миэстэтэ тэрилиннэ.
Бу туһунан СӨ Бырабыыталыстыбатын Бэрэссэдээтэлин бастакы солбуйааччы Дьулустан Борисов “Төгүрүк остуол” мунньаҕар иһитиннэрдэ.
Мунньахха экэниэмикэ араас салааларыгар нолуок ороскуоттарын көдьүүһүн көрдүлэр.
Дьүүллэһии кэмигэр бырамыысыланнаска олохтоох каадырдары үлэҕэ ылыы боппуруоһун көрдүлэр. ТОР-дарга уонна РИП-тэргэ бастайааннай үлэ миэстэлэрин тэрийиини. Арктика олохтоохторун иннилэригэр сир баайын хостооччулар социальнай эппиэтинэстэригэр болҕомто уурулунна.
Дьулустан Борисов эрэгийиэн былаастара Саха сирин сирэ-уота инвестордары тардар туһугар күүстэрин ууралларын бэлиэтээтэ. Маныаха нолуокка уонна бүддьүөт бэлиитикэтигэр сөптөөх сыһыаҥҥа олоҕураллар.
“Нолуок ороскуоттара эрэгийиэннэр нолуок уонна бүддьүөт бэлиитикэтин сорҕотунан буолаллар. Тоҕо диэтэххэ, нолуокка чэпчэтиилэри көрүү, босхолооһун уонна да атын преференциялар үгүс түгэҥҥэ инвестицияны тардыыга, госбүддьүөт дохуоттарын үүнүүтүгэр уонна саҥа үлэ миэстэтин тэрийиигэ туһуланалар”, — диэтэ Саха сирин бастакы вице-премьерэ Дьулустан Борисов.
Санаттахха, 2019 сылтан Саха сирин экэниэмикэтигэр 2,3 трлн солк. инвестицияланна. 2030 сылга экэниэмикэҕэ саҥа бырайыактар көмөлөрүнэн 4 триллион солкуобайы киллэриэхтэрэ.
Саха Өрөспүүбүлүкэтин Ил Дарханын уона Саха Өрөспүүбүлүкэтин Бырабыыталыстыбатын пресс-сулууспата
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…
Дьокуускай куорат борокуратуурата криптовалютаҕа инвестициялыыр аатыран дьон үбүн-харчытын уорууга сыһыаннаах холуобунай дьыаланы суукка ыытта. Бу…
Ил Дархан Айсен Николаев бэҕэһээ, тохсунньу 9 күнүгэр, оробуочай сырыытынан Дьокуускайга баар Искэн киинин үлэтин…
СӨ Ил Дархана Айсен Николаев тохсунньу 9 күнүгэр Дьокуускайга 253 үөрэнээччилээх 1 №-дээх орто оскуола…