«Тотальнай дьыктаан» Аллараа Тагилга ыытыллыаҕа

“Тотальнай дьыктаан-2023” киининэн Аллараа Тагил куорат буолла. 2022 сыллаахха аахсыйа тэрийээччилэрэ, научнай-практическай кэмпириэнсийэ кыттааччылара Ярославльга мустан, эһиил ханнык куоракка ыытылларын талбыттара.

— Биллэрин курдук, “Тотальнай дьыктаан” киинэ ханна буоларыгар куораттар бэйэ-бэйэлэрин кытары күрэстэһэллэр. Бу сылга Омскай уонна Аллараа Тагил күүскэ киирсибиттэрэ. Тагил икки нэдиэлэ иһигэр дьону түмэн, куоластааһыҥҥа көхтөөхтүк кытыннаран, кыайыылаах буолан тахсыбыта, — диэн “Тотальнай дьыктаан” пуондатын дириэктэрэ Ольга Ребковец санаатын үллэһиннэ.

Онон Аллараа Тагил куорат Демидовскай тимири оҥорор собуотугар дойду сүрүн былаһаакката тэриллиэҕэ. Муус устар 8 күнүгэр суруйааччы Василий Авченко онно анаммыт тиэкиһи ааҕыаҕа.

2021 сыллаахха Бүтүн Арассыыйатааҕы “Тотальнай дьыктаан” киининэн Дьокуускай буолбута диэн СИА суруйар.