Муус устар 20 күнүгэр «Тотальнай дьыктаан» диэн Бүтүн Арассыыйатааҕы аахсыйа буолан ааста. Саха сирин олохтоохторо көхтөөх кыттыыны ыллылар.
Дьокуускайга Национальнай бибилэтиэкэҕэ икки былаһаакканан тарҕанан олорон, 60-тан тахса киһи дьыктааны суруйдулар. Онтон өрөспүүбүлүкэ үрдүнэн 17 былаһааккаҕа барыта 240-тэн тахса киһи суруйда.
«Тотальнай дьыктаан» аахсыйаҕа бырабыыталыстыба бэрэссэдээтэлэ Кирилл Бычков кытынна.
— Быйыл «Тотальнай дьыктаан» аахсыйа ыытыллыбыта 20 сыла буолла. Бу бырайыак үөрэхтээһин эйгэтигэр дьиҥнээх «феномен» буолла. Нуучча тылын, литературатын таптыыр дьону аан дойду үрдүнэн түмтэ. Бу аахсыйаҕа кыттан, биһиги сыаната биллибэт баайбытыгар: култуурабытыгар, тылбытыгар, үөрэхпитигэр кыттыгастаах, махталлаах буолабыт, — диэн кини эттэ.
Национальнай бибилэтиэкэҕэ суруйааччы Анна Матвеева суруйбут тиэкиһин бэйиэт Ирина Курилюк-Ирэн Дрозд уонна ХИФУ филологическай факультетын преподавателэ Анастасия Алексеева аахтылар. «Тиэкис наһаа ыарахана суох этэ», — диэн Анастасия Алексеева санаатын үллэһиннэ. Быйылгы дьыктаан «Дорогой дневник» диэн ааттаах тиэкиһэ күннүк жанрыгар сыһыаннаах.
Дьыктаан түмүгүн муус устар 25 күнүн кэннэ totaldict.ru саайтка көрүөххэ сөп.
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…