Трассаҕа уматык тохтубутун туһунан биллэрдилэр

СӨ Экологияҕа, айылҕа харыстабылыгар уонна ойуур хаһаайыстыбатын министиэристибэтэ Өлөөн — Удачнай трассаҕа уматык тохтубутун хонтуруолга ылла. Саха сиригэр маннык түбэлтэ иккиһин тахсыбыта бэлиэтэннэ.

Өрөбүлгэ, олунньу 2 күнүгэр, 12.00 чаас саҕана Өлөөнсэлиэнньэтиттэн 100 км тэйиччи уматык тиэйэр тырааныспар түҥнэстибитин туһунан биллэрбиттэр. Быһа сабаҕалаан, тырааныспар дизельнэй уматыгы тиэйэн, Өлөөн сэлиэнньэтин диэки айаннаан испит.

«Туоһу дьон этэллэринэн, быһылаан тахсыбыт сирин көрүү кэмигэр ньиэп бородууктата тохтубатах. Сарсыарда, сырдык кэмҥэ, сиһилии кэтээн көрүү уонна сыаналааһын тэрээһиннэрин ыытарга  экология иниспиэксийэтэ хонтуруолу тэрийиэҕэ», — диэн СӨ Экологияҕа, айылҕа харыстабылыгар уонна ойуур хаһаайыстыбатын миниистирэ Евгений Перфильев иһитиннэрдэ.

Министиэристибэ олохтоох дьону бигэргэтиллибэтэх иһитиннэриилэри тарҕатартан туттунарга ыҥырар. Официальнай дааннайдар туһааннаах бэрэбиэркэ кэнниттэн тахсыахтара.